sa magibongibong na pangpang, asin kun bakong masarig na mga tulay, mga marayrahay na sanayan sa paghinimbang, na dai dapat pagbasangbasangon: su mga nagpaparirigos na mga barobata duman sa salog nagkakaaraling sa paghiling kan kadalitaan kan mga daraga na nagaaraging may mga soknong na salop okun kararaw okun kan girang na nagkikibigkibig asin nahoholog sa tubig an sugkod.
Alagad an sa giraray nakakaapod kan pangataman nin siisay man iyo an masasabi tang rawis nin mga kadlagan sa mga mahihiwas na itong mga pinagbab-ol o pinagbadang na mga kadagaan. Duman may mga ‘kahoy na igwa nang sanggatés na taon na may labot okun loho an mga poon asin nagkakagaradan lamang kun an arimpungayan tinatamaan kan linti asin nasosolo, sabi an kalayo dai minakaélat asin ta duman mansana napaparong; duman may mga dararakol na apad na ginogubingan kan panahon asin kan katalagahan nin mga lomot na baga terciopelo: an alpog natitipon sa mga labot kaito, pinapatagds kan uran asin hinahabuhaban kan mga gamgam nin mga banhi. An mga pananomon matutubang an pagtubd, mga masagoso mga ragondong, mga nagborobarangdoy na mga balagon, minapasiriring sa sarong kahoy, may minakiritaykitay sa mga sanga, minapororupot sa mga gamot, sa daga asin garo baga dai pa nasisiyahan si Flora, minatanom pa sa mga tinanom; mga lomot asin mga tibo o mga mukan-pukan nagkakaburthay sa mga gatak kan mga tipak, asin mga looylooy okun sa mga manalo; an nag-aaragi nagkakarilibong sa pagliha na an mga ito kabtang pa kan mga dahon kan mainaladkang kahoy, alagad an lalong harani sa katotoohan asin dahel ngani kaini daing gayo pinaniniwalaan asin kilang an nakakaaram garo ining minasunod:
Kan an sinabi nang banwaan binibilog pa nin mga daing kamugtakan na mga harong na nipa. asin sa mga bilang mga lansangan mahibog pa su mga nagtuturobong doot, kan mga panahon na ito na pagkabanggi may nagraralaog pang mga usa asin mga upon, may dominatong sarong aldaw, na sarong girang na kastila na harardarom su mata asin tataong magtaram nin marhay kan tagalog. Pakahilinga, asin pakalibota su mga dagdé na manlaénlaen an kagamitan, naghapot kun haraen su mga kagrogaring kan kadlagan
