na pinagbubulosan nin mga maínit na túbig. Nagkapira an mga nakiatúbang na nagsaragin-sagin mga kagrogáring kaito. Rinibay ito kan gurang nin mga gúbing, bahandi (122), asin kadikit na kuwarta. Dangan_nawará su gurang, dai naaraman kun napan-o. Dati nang pinaghohoná kan mga tawo dumán sarong encantado kan sarong lapang párong, na naghahalé sa kadulon na kadlagan, makaapod kan pangataman nin nagkapirang mga tagapagbantay-nin mga hayop; hinalutahit ninda ito asin saindang nasumpongan su gurang sa nagrorognak nang kamugtakan asin nabibitay sa sarong sangá nin baliti. Kan nabubuhay pa dati nang nakatatakot huli kan saiyang harárom, malágong na tingog, dáhel sa mga rolúbong na itong mga mata asin huli kan daing daging na itong harakhak; alágad ngunyan, nagadán na sa paghugot, nakakapurisaw sa mga babaye. Itinarápok kan iba kan mga ini su mga alajas duman sa poón mansana kan baliti, dai nang nangangahas na úmagi dumán. Sarong pastor na naghahanap kan saiyang mga hayop nagosipon na soboot nakakita siya nin mga ilaw; pinadumanan kan mga hagbayon, asin mga ini nagpakádangog nin mga inagrangay. Sarong daing-palad na namomoot tanganing maapod an pangataman kan nagbasangbásang kan saiyang pagmahal, nangakó na mapadamlag siya sa póon kan káhoy asin saiyang lilikosan nin halábang balagon, nagadán sa madaleon na hinglaw okun calentura na saiyang nanapolan kan sominonod na aldaw kan bangging pakipostahan niya. Kadakol pang orosipon asin mga alámat (123) sa kadlagan na iní.
Dai pirang bulan may ominabot na sarong bagong tawo, na garong mestizong kastilá na sabí aki kaitong dai na (124), asin nagpoóon nin pagsorosadiri dumán sa póok na ito asin saiyang pinangataman an mapádapit sa ngaran na pagtanom, orog nang gayo an pagtanom nin kahoy na añil. Si Don Saturnino sarong hagbayon na dai magpara-kaalo, alágad masilansikan na marhay asin mahigós na gayo: ipinakodal nya su linobngan kan saiyang amá, asin ta torotalagsad lámang an pagsongkó nya duman. Kan sya nasa igó nang kagurangan, napakasal sa sarong darágang taga Manilá, na pinagkaigwahan nya ki Don Rafael (125), na ama ni Crisostomo. Nahimo ni Don Rafael, magpoón kan akí pa sya na
