mga aldaw kan semana nakikita sya na daing ngipon kan mga sorogoón, bagay na, síring sa naaraman kan samong mga parabasa, sarong maraoton na himárang.
Si Linares, iyoiyong tagapagsorog kan daing pàlad na iniho (146-a), haloy haloy nang nagpahingaló sa Pacó (147-a), victima nin sarong kulatid asin kan mga maraót na trato kan saíyang hípag.
Su matagumpay na alférez napa España, teniente na may grádong sa comandante, binayaan su saiyang mamomoton na agom sa saiyang sambra na franela, na dai nasabi an kúray kun anó, An makauúgay na si Ariadna, kan makita nyang pinabayaan na sya, ipinanongod man ki Baco an saiyang sadiri (148-a) asin sa pagtanom nin tabakó, asin nagiinom asin nagpepenades na bulanos malá ta kinatatakutan sya bakó sanang kan mga daraga kundí sagkod kan mga gurang na babaye asin kan mga akí.
Alonggating burúhay pa su mga kamiridbid nyamó sa banwaan nin San Diego, kun dai nagkagaradán kan pomotok su bapor “Lipa”, na naglalakbay palalawigan. Nin huli ta daing naribaraw na mag-isi kun sairisay an mga makautigay na ito na nagkagaradan duman sa kapahamakan na ito, kun sairisay itong mga paa asin mga takyag na waragas sa Isla de la Convalecencia asin sa mga pangpang kan sélog, dai nangyad kaming pagalamaan kun baga sa mga ito igwa nin midbid an samong mga parabasa. Contento na kami, siring kan Pahamalaan asin Pahayagan kaito, igo nang maaraman nyamo na su iyo-iyong fraile na itoon sa sakayan nakaligtas dai na kaming ibang hinahagad. An nangongorog sa samuya iyo an bihay kan mga banal na mga padi, na an saindang kahadean sa Filipinas awot pa logod na papagdanayon nin Dios sa Filipinas sa karahayan kan satong mga kalag. Dai nang naaraman liwat dapit ki Maria Clara kundi na garong iniingatan na kan linobngan (149-a). Naghapot kami sa nagkapira katawo na kanigtian an lasig sa convento ni Santa Clara, alagad dai nin namuyang magsabi samuyé minsdn sarong kataga, pati su mga tabilan na mga devota, na mga nagsasakamot nin mga bantog na fritos na mga katoy nin manok asin kan orog pa kabantog na salsa, na indapod na “salsa de las monjas” na hinanda kan mga maisip na cocinera kan mga Virgen kan Kagurangnan,
Alagad;
