magbanáag sa sakong banwaan... kamo, na magpapakakita kaiyán, patarataraha nindo... hare kamo kalingaw sa mga nagkapurukan sa laog kan kabanggihon!"
Plantilya:Indent Itiningkálag sa langit su saiyang mga mata, naghiró-hiró su saiyang ngábil na baga nangangadyé, dangan idinokó su payo asin maginanay na mapukan sa dagá...
Plantilya:Indent Pagkaáyaw nin duwang horas, si Hermánang Rufa
itoon sa pantaw kan saindang harong nanghahanaw
pagkaaga ta masimba. Nagtatanaw sa haraning kadlagan su banal na babaye asin nakatanaw nin dakúlang
moóg nin aso, kominorondot asin, tagob nin banal na
kabaldian, nagsabi:
{[indent}} "Siisay daw an hereje na sa aldaw nin fiesta nagka- kaingin? Kayá dahel kaiyán minádatong an kanigúan na mga kapahamakan! Baloón mong dumuman ka sa Purgatorio asin makikita mo kun baga hawason ko ika dumán, salvaje!"
Plantilya:Indent Nin huli ta burúhay pa an kadaklan kan samong mga personajes, asin mantang nagkawarará su iba samong paghiling, dai mahihimo an sarong túnay na katapusan. Sa karahayan kan mga tawo, lubos nyamong gagadanon an gabós na mga personajes... nyamó magpoón ki Padre Salvi asin matapus ki Doña Victorina, alágad dai mahihimo ... !kaipuhan sindang mabuhay! sa katapusan an bansa bakong kami an magpapakaon sainda...
Plantilya:Indent Magpoón kan lumaog sa convento si Maria Clara, hominalé sa banwaan si Padre Dámaso tanganing sa Manilá magontok, siring man si Padre Salvi, na alintanang naghahalat nin sarong mitrang vacante, makapira nagsesermon sa simbahan nin Santa Clara, na sa convento kaini igwa nin importanteng cargo. Dai naglihis nin dakul na mga bulan asin si Padre Dámaso nagsakamot nin sarong pagboot kan orog Kagalanggalang na Padre Provincial na magcura sa sarong harayoon na lalawigan. Sinasabi na ikinasákit nyang marhay ito malá ngani ta kan sominonod na aldaw natuklasan sya gadán sa saiyang lalamban. An sabi kan iba nagadán sa apoplegia, su iba man sa pangom-om, alágad lininaw
