“Sarong conspiración? asin kiisay na palalang iyán?” “Dai ko nahimong masiyásat kun siisay an kaggibo kaiyán; nataodtaod pa sana nakaólay ko an saró kan mga daing pálad na binarayadan sa síring na katuyohan asin dai ko nasagdonán.” "Asin dai ka inosipan kaini kun siisay nagbáyad saiya? "
“Ohó, hinágad nya sakuyá na ingatan kong tágong-hilom, an sabi sakuyá ika daá.”
“Dios ko!” an hagayhay ni Ibarra asin ta natikbahán.
“Dai ka pó magduwaduwa, dai kita magabala, ta an himagsikan mangyáring pomotok ngunyan mansanang banggi!”
Si Ibarra, borotlog su mata asin su payo sa magibong na kamot, garong dai sya nakadangog.
“An pakol dai mahimong masagang,” an padagos ni Elias; ‘“nahuri ako, dai ko midbid an saindang mga pamayo... ! ilikay mo po an saimong buhay, magdanay ka huli sa karahayan kan saimong bansa.”
“Saén ako madulag? Ngunyan na banggi pighahalat ako!” an hagayhay ni Ibarra na an sa isip si Maria Clara.
“Sa arin man na ibang banwaan, sa Manila, sa harong nin siisay man na may kapangyarihan, alagad sa ibang pook, tanganing dai sabihon na ika an namamahala kan hiro!”
"Asin kun ako mansana an bomoyagyag kan conspiracion?”
“Ika magbuyagyag!” an hagayhay ni Elias na sominibog; “maluwas kang mapasaliib asin matalaw sa mga mata kan mga conspirador, asin maluyang boot sa mga mata nin iba; sasabihon na tinaoan mo sinda nin siod parang magkaigwa ka nin kaogdan, sasabihon na..."
“Alagad ano kong maginibo?”
“Sinabi ko na saimo: kiriniton mo an gabos na mga papeles na may pakalabot sa saimong pagkatawo, domolag asin maghalat kan mga mangyayari...”
“Asin si Maria Clara?” an hagayhay kan hagbayon; “!dai, magadén na sana ako!”
Pigparapabirikbirik ni Elias su saiyang magibong na kamot asin sominabi:
“!Tara, likayan mo lamang an rapado, maghanda ka
