férez na hiniling su manggas kan saíyang uniforme.
“Diyatá sosolongan mo ako nin apat na bantay na mga nakamaskara, eh? Paghímat! ngunyan na banggi sa ikawalong takná maorán nin mga cruces asin mga estrella.”
Alintanang nangyayari iniho, saró katawo nagdalagan sa lansangan pasíring sa harong ni Crisóstomo asin humáring sominakat sa hagyanan. "Yaon su amo?” an hapot sa sorogoón kan tíngog ni Elías.
“May gibo sa saíyang gabinete.”
Tangáning mahalé su saíyang kalangkagan sa paghalat kan horas na makapagpaliwánag sya ki Maria Clara, nagtoklós si Ibarra sa saíyang laboratorio.
“Ah, ika si Elias?” an sabi; “pinagroromdom ko ika; nakalingaw akong maghapot saimo kasoodma kan ngaran kan kastila, na sa saiyang harong nagérok su saimong apo.”
“Bakong ako po an sukat pagorolayan. . ."
“Hilinga,” an padagos ni Ibarra na ee pagmangno na kinoktrab su hagbayon asin irinani sa laad su kapotol na kawayan; “nagkaigwa ako nin sarong dakulang pakatuklas. An kawayan na ini dai sa pagkatotong.
“Bako pong an kawayan an pinag-oorolayan ngunyan; an kinakaipuhan iyo na panaraysarayon mo an saimong mga papeles asin domolag ka sa laog nin sarong minuto.”
Nagtaka si Ibarra na hiniling si Elias asin, kan makita su kagabatan kan saiyang panglawog, nabotsan su saiyang kapot.
“Soloa an gabos na makabugtak saimo sa panganib omen ta sa laog nin sarong horas masa seguro ka nang lugar.”
Asin tadaw?” naghapot sa katapusan.
“Paseguroha and man na mahalaga saimo...”
“Asin ngata?”
“Soroloa an gabos na papel na strat mo o strat saimo: an orog kadaing halaga mahihimong salomon nin maraot.
“Alagad asin tadaw?”
“Tadaw? huli ta natuklasan ko pa lamang an sarong conspiracion na ipinagsahot saimo tangani kang mapahamak.”
