na lalaki; dai na nagasda kaito an dangog asin an
kasopganan. Naomayan kan saiyang mga lúgad su
agom na lalaki asin napadigdi kaiba su saiyang agom
asin aki sa pagtagó sa kabukiran kan lalawigan
na ini. Digdi nangaki su babaye nin sarong guya
na naratakan asin panó nin mga hélang na nagkapálad na magadán. Digdi nagorontok pa nin nagkapirang bulan, mga makauúgay, na sa harayó, kinaoorongisan asin mga dulag sa kagabsan. Kan dai na nakakatios su sakong apó kan saiyang kasakitan,asin bakong marigon su boot na siring kan sa saiyang agom, nagbitay sa saiya mansana, nawaran nin pagsárig sa paghiling sa naghehélang na saiyang agom,asin huli kan maráot na párong natuklasan ito kan
sandagan. Isinombong asin nasilotan su sakong ápong
babaye huli ta dai nagpaisi, pinagsahotán sya kan pagkagadán kan saiyang agom asin inakalá na totoo ini,
tara, anó an dai mahihimo kan agom nin sarong makauúgay na náging maráot na babaye? Kun minasumpá, ináapod siyang makan-sumpá, kun minahibi, sinasabihan na nagpupútik, asin nanarangin, kun mináarang sa Dios. Minsan siring nagkaigwa saiya nin isusugad asin hinalat na makapagngaki sya nganing hampakon ngápit; talastas mo na pinapálakop kan mga fraile an pagakalá na hampak lámang an marhay sa indio, basaha an sabi ni Padre Gaspar de San Agustin:
"Pakatapus na masilotan nin siring an sarong babaye, isusumpá nya an aldaw an ikinamondag kan saiyang omboy; an bágay na ini, laen pang makakapahaláwig kan pasákit, makakalaglag pa kan mga pakamaté nin sarong iná. Sa maráot na pálad, marhay su pagngaki kan babaye, asin huli man sa maráot na pálad, matabá-tabá na namondag su omboy. Pakalihis nin duwang bulan, inotob su silot sa dakúlang sinang kan mga tawo, na mga naghohónang nakaotob sinda kan saindang katongdan. Nin huli ta bakó na siyang matoninong sa kaboboldan na iniho, dominolag dara su duwa niyang aki sa katáning na lalawigan asin dumán nagkaburúhay na siring sa halimaw, nagkakaorongis asin nagkakaorongisán. Su matua sa duwang magtúgang, na nakakagiromdom sa táhaw nin orog kakúring pagtios kan saiyang magayagáyang pagkaaki, nagtulisan tolos mansanang magkaigwa nin kosog. Tolostolos nakabalangibog sa mga lalawigan su maba-
