"Igwa na nin may mga anom na pólong taón na
nagontok sa Manila su sakong apong lalaki asin naglingkod bilang tenedor de libro sa harong nin sarong
nagngangarákal na kastilá. Aki pa kaitong marhay
su sakúyang apó, may agom asin may sarong áking
lalaki. Sarong banggi, dai naaraman kun napan-o, nagláad su almacén, su soló kominanap sa bilog na harong
asin maghalé digdi sa dakul pang iba. Daing kabilangan su mga nagkasaráyang. Hinánap an sarong criminal asin su sakong apó isinombong kan nagngangarákal. Sáyang su saiyang pakisúhay, asin mantang
saró siyang daing súkat asin daing ikinabayad sa mga
bantog na parasórog, sinilotan na hampakón sa
háyag asin ilibot sa mga lansangan sa Manila. Dai
pa nahahaloy pinaggagamit ining kasopogsópog na
padusa, na inaapod kan banwaan na kabayo asin vaca
makasangribo karaot ki sa kagadanan mansana. Su
sakúyang apó, na pinabayaan kan kagabsan, maliban
lámang sa saiyang aki pang agom, iginapos sa sarong kabayo, pinagsonod nin sarong mabangis na katawohan, pinaghampak sa lambang sukian, sa atubang
nin mga tawo, na saiyang mga túgang, asin sa pagrilikos nin dakul na mga simbahan nin Dios nin katiwasayan. Kasu an daing pálad na ito, na nasa kasopganan sagkod noarin pa man, makabayad na sa pang-himalos kan mga tawo huli kan saiyang dugó, kan
mga pasákit saiya asin kan saiyang mga inagrángay,
nagkapiriritan na hubadon sya sa kabayo, huli ngani ta
sya nawaran nin pagkatawo, asin !marahay pa logod
kun nagádan! Sa saró kan mga makúring kabangisan
na ito, binohian sya; sáyang lámang su pakilimos kan
saiyang agom, na nagdadara nin tawo kan panahon na
ito, sa lambang tatá sa paghágad nin trabajo o nin
ikabubuhay, tanganing mapagmatohán su agom na
naghehélang asin su saiyang makauúgay na aki; siisay
an maniniwala sa agom nin sarong parasoló asin ikakasópog? Sa bágay na siring, napiritan su agom na
babaye na mamuta!"
Bominuhat si Ibarra sa saiyang natutukawan.
"Oho, hare karibaraw! an pamuta bakó nang makasosópog asin dai na nakakahalé nin dangog sa agom
