AN DAI MALADOP
Mabaralik su mga mapungaw na
balinisyawon ... Becquer
Siring sa ibinantulin ni Lucas, dominatong si Ibarra
kan sominonod na aldaw. Iyong énot niyang dinalaw su
angkos ni Capitan Tiago sa paghiling ki Maria Clara
tanganing saiyang osipan na bako na syang excomulgado;
may darang pudihan (70-a), sa cura, rogaring na
strat kan kamot kan Arzobispo. Bakong didiit su kaogmahan
ni Tia Isabel kaito, na iyong muya su hagbayon,
asin dai sya oyon na ikasal ki Linares su saiyang makoina.
Dai sa harong si Capitan Tiago.
“Dagos, tabi,” an sabi kan inaon sa saiyang bakong marhay na pangastila; “Maria, si Don Crisostomo nasa gracia na naman nin Dios; deneskomulgar sya kan Arzobispo.
Alagad dai nakahiro su hagbayon, nawara sa saiyang ngabil su saiyang hoyom asin dai siya nakahilwas minsan sarong kataga. Sa may balcon, sa kataid ni Maria Clara nagtitindog si Linares, naggigibo nin sarampong nin mga burak na sinalakan nya mga dahon nin mga nagkakanap na mga tinanom; sa salog may mga waragas na mga rosas asin mga sampaga. Si Maria Clara, naghohorayday sa saiyang sillon, malungsi, baga may pinagiisip, mamondo su paghiling, may pinagaaling-alingan na abanikong gading na bakong gayong siring kaputi kan saiyang mga matarigwis na moro.
Sa atubang ni Ibarra, lominongsi si Linares asin pominula su mga pisngi ni Maria Clara. Nagbubuhat kuta alagad, sa kakulangan nin kosog, iinibaba su mata asin pinabayaan nya na maholog su abanico..
Sarong makahahandal na dai pagkainaralohan an naghadé sa laog nin nagkapirang segundo. Sa katapusan nakadolok man giraray si Ibarra asin tinatakigan na nagsabi sa hababang tingog:
“Minaabot pa sana ako asin naghumari ako na makita ika... Nasompongan ko na lalong marhay an saimong kamugtakan ki sa sakong pinaghohona.”
Garong napula si Maria Clara; dai lamang hominilwas minsan sarong kataga asin pinapagdanay sa ibaba su saiyang mga mata.
