Nalilibong na su alférez, nag-oongal na minadasmag
saiya, alagad sa sarong katakatang liksi, dinamadamahan kan latigo su safyang lawog, asin sa siring mansanang dahas lominaog sa saiyang lalamban, asin panaleng pinintoan su tata. Nagngangarawngaw sa ongotongot asin sa kasakitan, binokod kan alférez asin daing
ibang inabtan kundi nakabangga sa pinto na iyong
ginikanan na magkaigwa sya nin mga panarangin.
“Isumpa man logod an saimong mga pagaraki, dusta! Bukasi, p—p—, bukasi, ta kun dai, rarapakon ko an saimong pandok!” nagkakagsing asin pigtotobtob su pinto kan saiyang mga kamaoo asin mga bitis.
Dai nagsisimbag si Doňa Consolacion. Nadangog su rinagot nin mga silla asin mga baul na baga may boot ibugtak na pailihan na mga tinaralongtong na mga kasangkapan sa harong. Nagboboyogboyog su harong huli kan mga tumban asin mga palilinti kan agom na lalaki.
“!Dai ka maglaog, dai ka maglaog!” an sabi kan babaye sa malagong na tingog; “kun tumungab ka, papapotkan ko ika nin saro.”
Garo syang namoninongan sa luhayluhay asin namongayahan na maglakawlakaw sa magibong na sogod kan bidang siring sa sarong hayop sa laog kan nakokolongan kaiyan.
“!Padiyan sa lansangan, pahayahayi an saimong payo!” an padagos na tuya-tuya kan babaye, na garong nakatapus nang maaghanda, kan safyang kalasag.
“Isinosumpa ko saimo na kun madakop ko ika, minsan an Dios dai saimo makakakita, cochina p — !”
“!Oho! masasabi mo an muya mo... habo mo akong pasimbahon, dai mo ako pinabayaan na magotob kan sakong katongdan sa Dios!” an sabi na may kaibang pagologolog na daing ibang tataong gumibo kundi sya.
Kinoa kan alférez su saiyang capacete, namoropakaray nin kadikit asin hominalé na haralakwas su lakad, alagad pakalihis nin nagkapirang minuto nagbalik na dai lamang nagbagati hinogkot su botas. Su mga sorogoon na torood na sa mga hilingon na ini, parating nagkakabaraldi, alagad nakaapod kan pangataman kan kabagohan kan botas, asin nagkiriyatan.
Tominukaw su alférez sa may dakulang tata, asin nagtios na maghalat sa laog nin labing kabangang horas.
“Talaga man nanggad na lominuwas ka o yaon ka
