Sek. 14. Dai dapat maggibo nin ano man na desisyon an arin man na korte na dai pigsaysay duman an maliwanag asin dai pagdududahan na mga ebidensya asin an ley na pinagbasaran kaidto. Daing petisyon para sa pagrepaso o mosyon para sa rekonsiderasyon sa sarong desisyon kan korte an dai dapat tawan nin tamang dalan o deharan sagkod dai pigtatao an base legal kaini.
Sek. 15. (1) An gabos na mga kaso o mga bagay na ipigsangat pakatapos kan epektibidad kaining Konstitusyon kaipuhan maaprobaran o maresolbiran sa laog nin beinte-kwatrong bulan magpoon sa petsang ipinagsumiter ini sa Korte Suprema, asin, apwera kun hinaan kan Korte Suprema, doseng bulan para sa gabos na mga kolehiyadong korte, asin tolong bulan para sa iba pang mga hibabang korte.
- (2) An sarong kaso o bagay pigsasabing isinumiter na para sa desisyon o resolusyon pakatapos kan pagsangat kan ultimong pleading, halipot, o memorandum na itinao kan mga Reglamento kan Korte o kan korte mismo.
- (3) Sa pagkalihis kan siring na panahon, sarong sertipikasyon manungod digdi na pirmado kan Pamayong Mahistrado o kan namamayong huwes an itatao asin an sarong kopya kaini kaiba sa rekord kan kaso o bagay, asin itatao sa duwang lado. An sertipikasyon kaipuhan magpahayag kun nata ta an desisyon o resolusyon dai pigtao o pigrender sa laog kan nasabing panahon.
- (4) Maski nakalapwas na an talaan na panahon, an korte, tanganing dai maraot an saindang responsibilidad na pwedeng mangyari dahil sa pagkaatraso kaini, kaipuhan desisyunan o resolberan an kaso o bagay asin isumiter tanganing madeterminaran, na dai dapat maghaloy pa.
Sek. 16. An Korte Suprema kaipuhan, sa laog nin treinta dias magpoon kan pagbukas kan kada regular na sesyon kan Kongreso, kaipuhan isumiter sa Presidente asin sa Kongreso an sarong taunan na report manungod sa mga palakaw asin mga aktibidades kan Hudis- yarya.
Seksyon 1. An mga Komisyon Konstitusyonal na kaipuhan inde-
