pendyente, iyo an Komisyon sa Serbisyo Sibil, Komisyon sa Eleksyon,
asin Komisyon sa Awdit.
Sek. 2. Daing Myembro kan Komisyon Konstitusyunal an kaipuhan magkapot nin anuman na iba pang opisina o empleo sa panahon kan saiyang pagkapot nin pwesto. Dai man siya kaipuhan magpraktis kan anuman na propesyon o aktibong mamahala o magkontrol kan anuman na negosyo na pwedeng makaapekto sa mga trabaho kan saiyang opisina, o makainteres pinansyal, direkto o bakong direkto sa anuman na pakikipagkontrata, o sa anuman na prangkisa o pribilehiyong itinao kan Gobyerno a ano mang parte, ahensya, o kasangkapan kaiyan, kairiba an mga korporasyon na sadiri o kontralado kan gobyerno o mga sanga kaini.
Sek. 3. An sweldo kan Tagapamayo asin kan mga Komisyunado kaipuhan itatao kan ley asin dai kaipuhan hinaan sa panahon kan saindang pagkapot nin pwesto.
Sek. 4. An mga Komisyon Konstitusyunal manombrar kan saindang mga opisyal asin emplyado segun sa ley.
Sek. 5. An Komisyon kaipuhan igwa nin sadiring pondo. An saindang aprobadong apropryasyon taun-taon kaipuhan na itao tulos asin regular na ipaluwas.
Sek. 6. An kada Komisyon en banc pwedeng magpromulgar kan sadiri nindang reglamento manungod sa mga pleading o praktis digdi o sa arinman na opisina. Siring man, an arog na reglamento kaipuhan dai inaan, dagdagan o baguhon an mga substantibong poder.
Sek. 7. An kada Komisyon kaipuhan magdesisyon sa paagi nin mayoryang boto kan gabos na Myembro kaini kan anuman na kaso o bagay na iatubang kaini sa laog nin sisenta dias magpoon kan petsa na ini isumitir para sa desisyon o resolusyon. An sarong kaso o bagay iisipon na isinumitir para sa desisyon o resolusyon sa oras na iatubang an huring pleading, brief, o memorandum na hinahagad kan mga reglamento kan Komisyon o kan Komisyon mismo. Apwera kun itao Kan Konstitusyon na ini o kan ley, an anuman na desisyon, orden o atol kan kada Komisyon pwedeng darahon sa Korte Suprema sa paagi in certiorari kan nag-aapelar na parte sa laog nin treinte dias magpoon la maresibe an kopya kaiyan.
Sek. 8. An kada Komisyon kaipuhan magibo kan siring na iba pang mga katongdan na itatao kan ley.
