Plantilya:Indent(5) An Konseho kaipuhan magkaigwa nin nangengenot na katungdan
sa pagrekomendar kan mga nunombraran sa Hudisyaryo. Pwedeng
gibuhon kaini an iba pang katungdan asin giribuhon na pwedeng itao
kan Korte Suprema.
Plantilya:IndentSek. 9. An mga Myembro kan Korte Suprema asin an mga huwes kan hibabang mga korte kaipuhan nombraran kan Presidente hale sa sarong listahan na igwang tolong pagpipilian na pinagpreparar kan Hudisyal asin Konseho nin Bar para sa lambang bakante. An nasabing mga nombramyento dai na nangangaipo nin kumpirmasyon.
Plantilya:IndentPara sa mga hibabang korte, an Presidente kaipuhan magtao nin mga nombramyento sa laog nin nobenta dias magpoon sa pagtawan kan lista.
Plantilya:IndentSek. 10. An sweldo kan Pamayong Malistradong asin kan mga Katabang na Mahistrado kan Korte Suprema, asin kan mga huwes sa hibabang mga korte kaipuhan itugdas kan ley. Durante kan saindang panahon sa pagkapot kan pwesto, an saindang sweldo dapat hinaan.
Plantilya:IndentSek. 11. An mga Myembro kan Korte Suprema asin an mga huweskan hibabang mga korte kaipuhan magserbi myentras marhay an mga gawi sagkod sa sinda umabot sa edad na setenta-anyos o mahalian nin kapasidad na maggibo kan mga obligasyon. An Korte Suprema en banc kaipuhan magkaigwa nin diretso sa pagdisiplina sa mga huwes sa hibabang mga Korte, o imando an saindang pagpahale sa paagi nin boto kan mayoryang mga Myembro na aktwalmenteng nagpartisipar sa mga deliberasyon sa mga isyu kan kaso asin nagboto digdi.
Plantilya:IndentSek. 12. An mga Myembro kan Korte Suprema asin an ibang mga korte na minukha kan ley dai dapat idestino sa ibang ahensya na nagigibo nin quasi-judicial o trabahong administratibo.
Plantilya:IndentSek. 13. An mga pagdesisyon kan Korte Suprema sa ano man na kasong ipigsumiter digdi tanganing tawan nin desisyon en banc 1 o sa dibisyon kaipuhan mabilog sa konsultasyon antes an sarong kaso itao sa sarong Mahistrado tanganing isurat an opinyon kan Korte.An sarong Sertipikasyon manungod digdi na pirmado kan Pamayong Mahistrado an kaipuhan ipaluwas asin an sarong kopya kaini ikaag sa rekord kan kaso asin ipahatod sa mga partido. An arin man na Myembro na nagpartisipar, o dai ominoyon, o dai nagboto sa sarong desisyon o resolusyon kaipuhan isaysay an saiyang rason kun ano an dahilan. Parehong mga rekisitos an kaipuhan sunudon kan gabos na mga kolehiyadong korte.
