370MAGNA APÓSTOLES 10.
9 Asin can sominodod na aldao, pinadagos ninda an saindang paglacao, asin can naghaharani na sinda sa ciudad, sominacat si Pedro sa tânauan, ta mamibi, can harani na an oras na sexta.
10 Asin sia nagotom, asin boót comacan: alagad dagñan na naghahanda pa can pagcacan nia, pinanglipadgñan sia:
11 Asin nahiling niang bucás an lagñit, asin naghihilig an sarong vaso, na garó sarong halacbang na gubing, na gagacdan sa saiyang apat na poró, hinihilig sa daga.
12 na dudumán si gabos na manlaen-laen na magña hayop na may apat na bitis sa daga, asin magna hayop na nagcacamang, asin magña gámgám sa lagñit.
13 Asin dominatong sa saiya an sarong tigñog, na nagsabi, Pedro, tomindog ca, bomonò ca asin magcacán ca.
14 Dagñan si Pedro nagsabi, Cagurangnan, day mangyayari; huli ta anó man na bagay na bacong malinig ó maramog day acó nagcacán pa nangad.
15 Asin nagbalic sa saiya an tigñog, sa icaduá, na nagsabi. An lininig nin Dios, day mo pag-apodon na bacong malinig,
16 Asin ini liniuat nin macatoló; asin pacatapus an vaso inacô liuat sa lagnīt.
17 Asin dagñañ-na nagborong-borong si Pedro sa saiyang boót, cun anó an cahologan caidtong catorogan nia, uya digdi, an magña tauong sinogo ni Cornelio, na pagharapot dapit can harong ni Simón, nagdaratong sinda sa pinto;
18 asin can pag-arapod, naghapot sinda cun si Simón na may icaduáng gñaran na Pedro, na qui-ontoc dihan.
19 Asin dagñan-na si Pedro nag-iisip caidtong catorogán nia, sinabihan sia nin Espíritu, Uya digdi, an toló catauo hinahanap ca.
20 Tomindog ca, gñani, asin homilig ca, asin day ca magborong-borong sa pag-ibá sa sainda; huli ta sinogò co sinda.
21 Asin hominilig gñani si Pedro dumán sa magna tauo na sinogo ni Cornelio, asin nagsabi. Uya digdi, acó an hinahanap nindo: anó dao an dahelan nin saindong pagpadigdi?
22 Asin sinda nagsarabi, Si Cornelio, sarong Capitán, lalaquing banal asin matatácton sa Dios, asin sinasacsihan nin bilog na nación nin magia Judio, sinabiban nin Dios, sa gñoso nin
