MAGNA APÓSTOLES 10.371
23 Si Pedro giani inagdá sinda sa laog, asin pinadagos sinda.
Asin can sominonod na aldao, nagbuhat, asin ominibá sa sainda asin inibahan sia nin ibang magña tugang na magña tagá Joppe.
24 Asin can sominonod na aldao lominaog sinda sa Cesarea.
Asin sinda hinahalat ni Cornelio, na tinipon caini an saiyang magña casingñáqui asin an magña catood niang minamahal.
25 Asin nangyari na paglaog ni Pedro, sinabat sia ni Cornelio; asin pominucan sa saiyang magña bitis, na sinambá sia.
26 Tara itinindog sia ni Pedro, na sominabi, Tomindog ca, ta tauo man acó.
27 Asin can naquiquipagolay sa saiya, naglaog, asin dacol an nadatgñan na nagcacatiripon:
28 asin sinabihan sinda, Camó nacacaisi na day itinotogot sa sarong Judio an paquipag-ibá ó domoloc sa tagá ibang daga; tará ipinamidbid saco nin Dios na arin man na tauo day co pag-apodon na bacong malinig ó maramóg.
29 dahel caini, pag-apodá sa sacò, napadigdi acó na daing pagborong borong. Caya naghahapot acó gñani cun sa anong padahelan pinadigdi acó nindo.
30 Dagñan si Cornelio nagsabi, Iguang apát na aldao-na sagcod sa oras na ini na acó mag-aayuno; asin sa oras nin nona, na namimîbî acó sa harong co, uya digdi, an sarong lalaqui na naquiatubang sa sacô na nag-gugubing nin maquintab,
31 asin nagsabi, Cornelio, nadagñog an pamibi mo, asin an saimong magña limós naguiguiromdoman sa atubang nin Dios.
32 Somogô ca, gñaya sa Joppe, asin ipaapod mo si Simón na may icaduang gñaran na Pedro; ini naquiontoc sa harong ni Simón, na curtidor qui anit, haraní sa dagat, na ini an pagdatong, sasabihon saimo.
33 Caya gñani, nagpasogo acó sa saimo, asin marahay an guinibo mo na napadigdi ca. Gñunian, gñani, quitá gabos nasa atubang nin Dios, ta gñaning dagñogon an gabos na isinogo sa saimo nin Cagurangnan.
