MAGNA APÓSTOLES 9 & 10.369
41 Asin sia iguinaogao saiya si camót, itinindog sia: dagñan inapod an magña santo asin an magña babayeng bálo, asin inampang niang buhay si Tabita.
42 Ini nacaboyagyag sa bilog na ciudad nin Joppe, asin balaquidon an nagturubod sa Cagurangnan.
43 Asin nangyari na sia nag-ontoc nin halauig na aldao sa Joppe, sa harong ni Simón, na curtidor nin anit.
1 Iguá nin sarong lalaqui sa Cesarea, na inaapod na Cornelio, capitán sa pag-iriba nin magña soldado na inaapod na magña tagá Italia,
2 lalaquing maheheracón asin matatácton sa Dios, patí can magna cairiba sa harong nia, asin naglilimos nin dacol sa banua, asin dayaday namimibi sa Dios.
3 Nahiling nia nin maliuanag, sa catorogan, sa oras na nona* nin aldao, na an sarong ángel nin Dios, minarani sa saiya, asin sinabihan sia, Cornelio:
4 Asin sia, itinorohoc sa saiya an magña matá, na inabot nin tacot, nagsabi, Anó, Cagurangan? Asin sinabihan sia. An magña pamíbi mo asin magña paglimós mo nagsaracát na garong guiromdóm sa atubang nin Dios.
5 Somogò ca gnani gñunian nin magña tauo sa Joppe, asin padigdihon mo an sarong inaapod na Simón, na may icaduang pang-gñaran na Pedro;
6 ini naquisacat sa harong nin sarong inaapod na si Simón, na curtidor nin anit, na nasa tampi nin dagat an saiyang harong ini sasabihon saimo an maninigo mong guibohon.
7 Asin pacahalè nin ángel na nagtarám qui Cornelio, inapod nia an duá nin saiyang magna sorogoon, asin an sarong soldadong banal, sa magña parating naglilincod saiya;
8 Asin can masaysay na sa sainda an gabos, sinogo nia sinda sa Joppe.
- Álas tres nin hapon.
