15 Tará sinda nagcururahao Halêon sia, halêon sia, ipaco sia sa cruz. Si Pilato nagsabi sainda, ¿An saindong Hadê an ipapaco co sa cruz? Nagsirimbag an magña poón nin magña sacerdote, Day camí nin ibang hadê cundi si Cesar.
16 Dagña gñani sia itinaó sa sainda, ta gñaning ipaco sa cruz.
17 Asin sia, can napasana an saiyang crúz, nagluás sa sarong lugar na inaapod lugar niu bugñô, na gñinagñaranan sa Hebreo, Golgota :
18 na dumán sia ipinaco ninda; asin caiba nia, an duá pa, saro sa mag-ibong-ibong, asin si Jesús sa tahao.
19 Asin nagsurat si Pilato pin saróng tataramon, asin ibinugtac sa ibabao can crúz: Asin an násusurat: SI JESÚS NAZARENO, HADE NIN MAGÑA JUDIO.
20 Ining tataramon gñani pinagbarasa nin cabalaquidan nin magña Judio; huli ta an lugar na pinacoan qui Jesús harani sa ciudad; asin an tataramon násusurat sa Hebreo, sa Griego, sa Latin.
21 Nagsarabi gñani qui Pilato an magña poón nin "magña sacerdote nin magña Judio; Day mo na ipagsurat, An Hadê nin magña Judio: cundi sia nagsabi: Hade acó nin magña Judio.
22 Si Pilato nagsimbag, An isinurat co, isinurat co na.
23 Dagñan an magña soldado, pacá pacôan qui Jesús, quinuruá an saiyang magña gubing, asin guinibong apát na pedaso, an balang soldado sarong pedaso; asin siring man an túnica; tará an túnica day nin tahí, saro sanang hinabol magpoón sa itaas sagcod sa ibaba.
24 Nagpasorosarabi gñani sinda, Day ta pag-guision, cundi pagsugalan ta sia, masdán ta cun mapapasaqui-isay, ta gñaning maotob an casuratan na nagsasabi:
Pinagbaragñà sa sainda an sacong magña gubing, asin an sacong túnica pinag-surugalan ninda. Guinibo gñani ining magña bagay can magña soldado.
25 Asin dudumán sa carani can crúz ni Jesús an saiyang inâ,
