inaatubang co sia sa saindo, ta gñaning maisihan nindo na day
acong nacuang anóman na casalan sa saiya.
5 Si Jesús gñani nagluás, na dará an coronang tonóc asin an gubing na pulá; asin sinabihan sinda ni Pilato, Uya digdi an tauo.
6 Can mahiling sia gñani can magña poón nin magña sacerdote asin magña alguacil, nagcururahao, na nagsarabi, Ipacô sia sa crúz, ipaco sia sa cruz. Si Pilato nagsabi sainda, Cuaon nindo sia, asin ipaco nindo sia sa cruz: huli ta acó daing nacucuang anoman na casalan sa saiya.
7 An magña Judio nagsirimbag saiya, Camí iguá nin saróng ley ó casogoan, asin siring sa casogoan, sia maninigong magadan, huli ta nagsasaguin Aqui nin Dios.
8 Cayâ, can si Pilato madagñog ining tataramon, ominoróg si saiyang tacot;
9 asin lominaog liuát sa hocomán, na nagsabi qui Jesús, ¿Tagá saén ca? Tará si Jesús day sia tinauán nin anoman na simbag.
10 Sinabihan sia gñani ni Pilato, ¿Day ca sa sacò minataram? ¿day mo naiisihan na acó iguá nin capangyarihan sa pagpacô. saimo sa cruz, asin iguá acó nin capangyarihan sa pagbutás sa saimo?
11 Si Jesús sinimbag sia, Day ca magcaiguá nin anoman na capangyarihan na tumang sa saco, cun day saimo itinaó sa itaas: caya an nagtaó an saimo sa sacô, iguá nin daculang casâlan.
12 Dagñan poón caidtó si Pilato naghihigñoa na butasán sia: alagad an magña Judio nagcururahao, na nagsarabi, Cun butasan mo ini, bacô cang catood ni Cesar: Si-isay man na somabi na sia iyo an hade, nagtatarám tumang qui Cesar.
13 Si Pilato gñani can madagñog ining magña tataramon, quinuá si Jesús, asin tominucao sa hocomán, sa lugar na inaapod na Pavimento, tará sa Hebreo, Gabbatha.
14 Asin iyo an caaldauan nin Pagaandam nin pascua: harani na an oras na sexta.* Asin sinabihan an magña Judio, Uya an saindong Hadê.
- Alas-12-nin aldao.
