Anó ta magtagolaylay,
kun an sakúyang lagaylay,
nin ngoyngoy maaniningal,
daing mayogtong sisay man?
Kun sa ibang kasakitan
an kinaban napapagal?
Sa anó bayang dahelán
kun sa mga katawohan
na sakuya nagtutúyaw,
síring man naglalapastang,
binabar-odan an kalag,
pusó malípot na labat,
daing pusong nagkukútad,
kan sakuyá sa kinútad?
Pabayae na matórog
nin lingaw171 sa alitoktok,
an namamaté ko gabós.
!Dumán marhay na bulanos!
Dai logod makasalbog
sa rima ining hinangos,
na napurawás sa doros.
Sa pagkatórog kabagay
sa dágat mga halimaw,
na sa mga kantil gikan,
na matórog pabayaan
sakong mga kasakitan,
sakúyang kapalabihan,
sakong mga tagolaylay,
sa sakuyá nahuhúkay.172
Natatalastas kong marhay
Daláog mong mababansay,
pigkakaogdan mo lámang
sa tagi178 nin kaburakan,
mga énot na pagmahal,
nin panganoron hawan,
dai nin kadalitaan.
171 Nin pakalingaw. 172 Nalolobong. 173 Edad.
