Nagpangdurulag na anan
mga monínong na aldaw,
nin gayagaya, pagmahal,
na an mga kaburakan
igó nang makapagálay
sa kalag nin karangahan,
sa mondó nya, kasakitan.
Nagpangdulag, luhaylúhay,
sa sakúyang kagiriran169
su gabós nyákong minahal,
ito gadán, ini kasal,
ta anó ko man doonan,
tolos na tinatandaán
maráot na kapaladan.
!Ika man omaliwayway,
musa nyákong minamahal,
hanapon mo sa giráray
ronang orog kadalisay,
tara an sakúyang bansá
sa saimo nanunugá,
sa baldit nin kaomawan,
tinátao mga ramal,
bílang baga simbahan,
madiklom na bilanggoan.
Kun dustá asin marigsok,
sa katunayan tumíok,
bakó daw sakó maráot
na ika sakong pogolan
sa sakuyá na kaábay,170
hubá nin katalingkasan?
Anó ta magtagolaylay,
kun iníhong Kapaladan
nagaapod na dalísay
nin mahigpit na pagádal,
kun sadya na nagoóngal
an bagyong kagiramgíram,
kun an mga kaakían
totoong hinahagadan
kan filipinong banwaan?
169 Sa sakong kataid. 170 Sa sakuyá na kataid.
