Kadákol nang nakalipas
mga taon na marinas,
kan sa ángog ko ibugtak
sarong hadok na maláad...
Itong hadok luminípot,
Asin nalingwan kong sáyod.
Bago ka omaliwayway,
saímong sabiha lámang,
na su tíngog mong mabansay
sa sakuyá sa giráray
lubós na gáyong nagálay,
sa nagmomondó kundiman,
pagángat sa tampalasan.
Kundí padigdi ka, pasabong na mahal,
liwat mapaínit sakong basangdingan174
kun pagtubod luyós, barí an baládaw,
di ko ikadólot búhay sa banwaan...
Itao mo sakó cítarang mapungaw,
kaiba an dolos nin mondó nakabray,
sa pagpapahamís mga kasakitan,
kan minamahal ko, na sakong banwaan,
daging talikalá pagpahubyá bílang.
Tagumpay, sakalé, nin laurel potongán
malasakit nyató, bonyog sa banwaan,
bominangon bagang reina an kapantay,
saróng masanggaya mainit na lugar;
mapupúting perlas, sa laboy kinaykay;
pagbalik, kun síring, símong ilagaylay,
an banal na áwit nin bago na búhay,
na satúyang aawiton minsánpa sa samong húkay.
174 Fantasia.
