82
“Dai ka po maangot,” suminimbag na nanglulungsi asin’ tinatakigan; “dai ko ilinobong sa kaibahan kan mega intsik. ‘!Marhay pang malamós, dai sana mamug- tak sa kaibahan kan mga intsik,’ sabi ko sa irarom kan sakong boot, ‘asin ihindlog ko sa tubig su gadan’!”
_Dinoonan ito ni Ibarra kan duwang kamaoo sa magi- bong na abaga asin nataodtaod syang hiniling nin dai ikasaysay na paghiling.
“!Bakó kang iba kundi sarong tawong daing palad!”’ an sabi, asin naghumaring lumuwas na nagbabatay sa mga tul-ang, mga linobngan, mga cruz, siring sa sa- rong rongaw. _ .
Pigtorotaptap kan paralobong su saiyang takyag asin nagngorobngorob:
“!Nakakapagal na marhay an mga gadan! Binaston ako kan Pading Dakula ta pinabayaan kong ilobong kan ako naghehélang; ngunyan kadikit pa akong bararian kaini kan sakong takyag ta sakong kinotkot. !Kun anong mga kastila ini! Mawawara ko pa an sakong hanap-buhay.”
Marikas su lakaw ni Ibarra, sa harayo su saiyang paghiling; nagtatangis su gurang na sorogoón na nag- sosonod saiya.
Madalé nang somolnop su tala-init; su langit sa gam- ping Sirangan natatahoban nin mahihibog na mga dampog; su mga arimpungay kan mga kahoy pinaghi- hiré nin sarong mamarang doros asin pinagpapatagis- tagis su kabotongan.
' Mayong kopya si Ibarra; dai nin sarong tagdong luha sa saiyang mata, daing minaluwas na sarong ha- gayhay sa safyang daghan. Naglakaw syang baga sa igwang pinagdudulagan, sakalé, su anino kan saiyang amé, tibdad an nagdadangadang na barongbarong. So- minohot sa banwaan dagos pasiring sa luwas kan ban- waan, dagos sa daan na itong harong na sa halawig na mga taén dai. nya nabatayan. Palibot nin kodal na pinagtotoboan nin manlaén-laen na mga cactus, garo syang pinagpapasabot; binuksan su mga dungawan; baga nagpupuayptay su tanghid na maogmang yinoyog- yog su mga sanga, na parané nin mga birak; su mga salampati nagraralayawlayaw sa palibot kan baga bali- songsong na atop kan érok kan mga ito na namumugtak
