83
sa tahaw kan tanaman.
Alagad dai pigmangno kan hagbayon an mga kagaya- gayahan na ini na idinodolot kan pagbalik sa daan na ontokan: napapakó su saiyang mata sa tindog nin sa- rong padi, na naglalakaw pasasabat saiya. Su cura sa San Diego, su nakita nyatong franciscano na dai nag- paparagirong, kaiwal kan alférez. Su _ halakbang na paldiyas kan saiyang kaló natitiplok kan angkas (162) ; guingon su habitong sol-ot minadail asin mina- hinorékol sa saiyang tindog, na minabantáag nin mani- wang na panglawas asin rorolapisayon. Sa toong kamot may sogkod na palasan na may kapotan na ga- ding. Iyo pa sana ito an pagkahilingan ninda kasi Ibarra.
Kan pagkasabatan ninda ominantoré su hagbayon asin pinotitukan su padi; tuminuparing si Fray Salvi asin pominaalingaling.
Su pagborongborong nagdanay nin saró sanang hi- dalé: panaleng dinolok sya ni Ibarra, pinaontok sya asin makosog na pinahugpa su kamot sa abaga asin sa tingog na pahanga nang masabotan, .
“Anong ginibo mo sa sakong ama?” an saiyang hapot.
Nanglungsi asin tinakigan si Fray Salvi pagkabasa nya kan mga kamatean na minaladawan sa lawog kan hagbayon, dai nakasimbag: garo syang natol-an.
“Anong ginibo mo sa sakong ama?” hinapot sya liwat sa baga nalalamós na tingog.
Su padi, na sa diitdiit napapakobakob kan kamot na nagtitiyok saiya, nagpumirit na sumimbag.
“!Nagkakamalé ka; dai akong ginibong anó man sa saimong amá!”
“Dai?” an padagos kan haghayon na kasabay an pagtook saiya sagkod na sya napalohod.
“Dai, ipinahayag ko saimo! su sinondan ko, si Padre Damaso...”
“!Ah!” an sabi kan hagbayon na kanayon binotsanan su padi asin tominaptap sa saiya mansanang ángog. Asin binayaan su makautgay na si Fray. Salvi asin naghumaring magpasiring sa saiyang harong.
Ominabot su sorogoón asin tinabangan su fraile na makabuhat.
