dai ginigikanan nin mga kahologan, dai man pinupukawan
kan mga iyan, asin nagkurahaw na nagsasawod sa tahaw nin
halipot na dai paggirong: “!Pa... pa!
Papa! papa!”
Natakot su daraga, madaleng tinakpan kan kamot su ngoso kan aki asin hominarayo na nagdadalagan na naribaraw na marhay. Huminibi su omboy.
Nagkiriyatan su mga togodtogoran, asin su mga kastila, na nagpakahiling kan halipot na itong pangyari, naghoroyomhoyom. Su katutibong lungsi ni Padre Salvi nabalio sa panghihimula.
Minsan siring, mga malé su mga tawo; dai ngani midbid kan Cura su babaye, na sarong himanwa.
Sa magibongibong pano su kamalig na ipinanongod kan mga tawo na harong kan Kaglalang kan gabos na mga dai tibaad.
Nagtuturuklangan, nagsusurusuan, nagaarantugan, nagaaragrangay su kadikit na nagpapakaluwas, asin su kadikit na nagpapakalaog. Harayo pa ipiggagawgaw na su kamot tanganing makatiwtiw sa bendita, alagad may minadaragos, asin nakakaharayo su kamot: dangan kaiyan may nadadangog na inagmarod, sarong babaye, na nababatayan, nagpapararaway, alagad patorotonyod man giraray. Nagkapirang mga gurang an mga nangyari nagpakadomog kan sa moro sa tubig na ito, na garo nang laboy huli ta pinagparanawnawan kan mga tawo sa bilog na banwaan sagkod kan mga himanwa, pinagralahidan kaito, minsan ngani mapawot, su oyongan, su arimpupuro, su angog, su dongo, su koko, su daghan asin su saindang pusod, sa paniwala na sa siring na palakaw mahihimo nindang maging sinanglitan an gabos na itong kabtang nin hawak asin ta dai an mga ito magtitios nin ano man na sakit, maging torticolis (364), maging kolog nin payo, maging tisis, okun dai man natunawan nin kinakan. Su mga bagong tawo, huli gayod ta mga dai man nin kamatean, o mga dai naniniwala sa sinanglitan na itong panglaban sa mga hélang, pahanga nindang itiwtiw su saindang moro—tanganing daing masabing ano
