bansayon su hirohiro. Alagad minsan ngani an énot
kulang nin mabansay na lawog, makuri man an saiyang kalodokan;
koromo sya na baga nag-oontok, paibaba su hiling kan saiyang
mga mata asin kurukubakob paglakaw. Su mga cabeza de barangay
man giraray an mga nagdarara kan palio, na ginagaranot sa
kamongayahan na garo mansana sindang mga sacristan, parasingil
nin mga buhis, mga paratubos kan lagawlagaw asin dukhang kasangtawohan, asin ta kunsiring, mga Cristo na minadisay kan saindang dugo
huli sa mga sala nin iba. Su coadjutor, nakasoprepelliz,
naglilibot sa mga carro dara su incensario, na mandiit-mandiit pinapasangongo kan aso su cura, na orog na minahamyos (363)
asin minagabat na su panglawog.
Huli kaini, luhayluhay asin nagtatagatonong su procesion sa daging nin mga bomba, mga awit asin mga pangkatinubdan na togtog na lalang kan mga bandna kasurtinod kan lambang carro. Dai nagmaimot su Hermano Mayor sa pagtaltag nin mga kandila, mala ngani ta dakol na mga nagprocesion na pagpuruli sa harong igwang mga kandila na tamang ilawan sa laog nin apat (4) na banggi sa saindang pagsurugal. Su mga nagtataranaw narolohod sa kalodokan pagagi kan carro kan Ina nin Dios asin nangangaradyeng bulanos kan Minatubod asin Tara Santa Mariang Hade.
Ominontok su carro sa tangod nin sarong harong na sa mga dungawan, na nagkakasaramnohan nin mga taran-awon na mga colgadura, nagdudurungaw su Alcalde, si Capitan Tiago, si Maria Clara, si Ibarra, nagkapirang kastila asin mga binibini; ikinatingkalag ni Padre Salvi su saiyang mga mata, alagad dai lamang huminiro bilang pagtaong-galang, o bilang tanda na mga midbid nya sinda: daing ibang ginibo kundi tominanos, tominindog nin marhay, asin su capa fluvial nagyaya sa saiyang abaga na luminuwas na marayrahay na paghilingon.
Sa lansangan, sa tangod kan bintana, may sarongdaraga na mabansay su panglawog, mahalagang gayo su panggubingan, may naoobong omboy. Sisiwa okun paraaling gayod, tara su aki maputi asin bulaw, asin sya, kayumanggi asin su saiyang buhok maitom pa sa sabatse.
Kan mahiling su cura, iginawagaw kan omboy su saiyang mga saradit na kamot, nguminisi nin ngising
