minuto, may ngingisihan asin may mga bagay na makangingirhat. Alagad kan pakipagbaka su mga artista sa Tondo sa lambang kaglimang (15) segundo, nagparuluwas nin duwang (2) makangingisi asin nagpakasompong nin mga bagay na dai nanggad sa pagkanitotoo, nagkakaharalean ninda nin hanap-buhay su saindang mga pagiriba sa lalawigan. uyahon kaito su gobernadorcillo asin, sonod sa boot kan cura, pinili nya su moromoro na, “Si Princepe Villardo okun su mga pako na ginarabot sa marumput na lungib,” paluwas na makadadagka asin mga fuegos artificiales. Mandiitmandiit minarepike su mga batingaw, su mga dating batingaw na igwa pa sanang sampolong (10) aldaw malipungaw su mga binagting. Nangagdaraging nin makusog su mga ruedang kalayo asin su mga murterete: an filipinong kastillero na nakanood kan saiyang kapantasan okun arte na daing kagtukdong midbid, mapaluwas kan saiyang kinabatiran, naghahanda nin mga toro, mga kastilyong kalayo na may mga luz de Bengala, mga globo na mga papel na pinaburutog nin mainit na angkas, mga ruedang brillante, mga bomba, mga cohetes, asin iba pa.
May nagdadaging nang mga togtog sa harayo? nagdadaralagan na su mga aki pasiring sa luwas kan banwaan sa pagsabat sa mga banda nin musica. Lima (5) su mga hinoron na bayadan, laen pa kan tolong (8) orquesta. Dai sikat madai su musica sa Pagsanghan, sadiri kan escribano, siring man su sa banwaan nin S.P. de T, bantog kan panahon na ito ta pinamamahalaan ni Maestrong Austria, an bulakbol na si Kabong Mariano na, siring sa sabi, nasa puro kan saiyang batuta kabantogan asin pagkabaragay. Inoumaw kan mga musico su saiyang togtog sa pagdapit nin gadan na an ngaran “El Sauce,” asin saindang ipinagmondo na daing adal sa musica tara huli kan saiyang pagkadonong nakatao kuta nin kaomawan sa saiyang bansa.
Luminaog sa banwaan su musica na nagtotogtog nin mga maogmang marcha, na pinagsusunod nin mga aking nangabingkabing su bado o haros mga huruba: sakalé, damit kan saiyang tigang an nasosolot kan saro, okun sarwal kan saiyang ama. Tolos mansanang matapus su togtog, toom na ninda, pinagrorolaylay na, pinagtataghoy na nin pangbihirang pagkatorongo,
