an énot kong hatol saimo. iyo na sagkod noarin pa man
dai ka magdigdi sa pakihumapot sakuya!” .
Nagtakang hiniling sya kan hagbayon.
“Huli ta an mga tawong may isip,” an padagos na may kaibang mapait na pasuli, “pamumugtakon kang saro man na rongaw. Sa pagloba kan mga tawo mga rongaw itong mga dai nagiisip nin siring sa sainda, kaya ibinibilang akong siring (338), asin pinasasalamatan ko, huli ta ugay man sakuya! sa aldaw na ipuli ninda saké an sakong isip (839); aldaw na iyaén hahaleon ninda sakuya an kadikit na katalingkasan na sakong nabakal sa halaga kan sakong kabantogan bilang sarong may isip. Asin siisay an makadram kun baga tama sinda? Dai ako nagiisip, dai man ako nabubuhay sunod sa saindang mga katogonan; an sakong mga pinagsusundan, an sakong mga kaisipan, mga laen man. Bantog sa sainda na bakong rongaw an gobernadorcillo huli ta, mantang daing ibang naokdan kundi an pagdthol nin chocolate asin an pagtios kan mga maraot na ugalé ni Padre Damaso, ngunyan mayaman, riniringawan an kadikit na kapaladan kan saiyang mga kahimanwa, asin, kun minsan, nagtataram dapit sa sandagan. ‘Iyan an tawo na maisip!’ an pagloba kan banwaan; ‘hilinga ta minsan daing ano pa man, naging dakula!’ Alagad ako, na nagmana nin kayamanan, dangog, may inadalan, ngunyan sarong dukhang daing stkat, na dai mapaniwalaan nin minsan pinakahababang katongdan, asin an kagabsan minasabi: ‘!Rongaw iyan; dai kaiyan nasasabotan an nga- ran na pagkabuhay!’ Pinagoologolog ako kan cura sa pagapod sako filosofo asin ipinapasabot nya na ako sarong tawotawohan na ipinaghahambog ko an sakuyang mga nanudan sa mga universidad, na iyo ngani an kilang an sakiyang pakinabang. Sakalé ako, an tunay na mangmang asin sinda an mga may pakasabot, siisay an makasabi?”
Pominorongpotong su gurang na baga may muya syang haleon na sarong kaisipan asin nagpadagos:
“An ikaduwang ikahatol ko saimo iyo an pakihumapot sa cura, sa gobernadorcillo asin sa mga darakulang tawo; mangyari na maging bakong marhay, samangmang okun daing kapakinabangan an ikatao nindang mga hatol, alagad an pakihumapot dai nangangahologan nin pagkuyog, magsaginsagin sunod sainda,
