Sek. 3. Kaipuhan magka-igawa nin sarong Bise Presidente na dapat
igwa nin parehong mga kwalipikasyon asin termino nin pagkapot nin
pwesto, asin kaipuhan elehiron kairiba asin sa parehong paagi arog
kan Presidente. Pwede siyang haleon sa pwesto sa paagi na kapareho
kan sa Presidente.
An Bise Presidente pwedeng nombraran bilang sarong Myembro kan Gabinete. Dai kinakaipuhan an anuman na kumpirmasyon sa siring na nombramyento.
Sek. 4. An Presidente asin an Bise Presidente kaipuhan maelehir sa paagi nin direktong boto kan mga tawo para sa terminong anom na taon na mapoon sa udto kan ika-treintang aldaw kan Hunyo na minasunod sa aldaw kan Elesyon asin matapos sa udto kan siring man na petsa pakalihis nin anom na taon. An Presidente dai na pwedeng elehiron giraray. An siisay man na tawo na masalida bilang Presidente asin nagsirbe man siring sa laog nin sobra sa apat na taon dai dapat maging kwalipikadong maelehir sa siring na pwesto sa arin man na panahon.
Daing Bise Presidente an masirbe sa laog nin sobra sa dwang sunod-sunod na termino. An boluntaryong pagtalikod sa katongdan sa anumang haloy nin panahon dai dapat na ipamugtak na pagkaolang sa pagpapadagos kan panonongdan para sa byong termino na pinag-elehiran sa saiya.
Apwera kun magtao nin naiiba an ley, an regular na elesyon para sa Presidente asin Bise Presidente kaipuhan gibuhon sa ikadwang Lunes kan Mayo. An mga resulta kan kada eleksyon para sa Presidente asin Bise Presidente na totoong sertipikado kan grupo nin mga parabilang sa kada probinsya, kaipuhan isumitir sa Kongreso, sambiton na para sa Presidente kan Senado. Pakaresibe kan mga sertipiko sa bilang, kaipuhan bukasan kan Presidente kan Senado na dai masobra sa treinta dias pakalihis kan aldaw kan eleksyon, an gabos na sertipiko sa atubang kan Senado asin mga Representante sa pinag-sarong sesyon pampubliko, kaipuhan bilangon kan Kongreso an mga boto tanganing maaraman tulos asin maseguro kun totoo asin kung ano pa an pwedeng gibuhon kaini segun sa itinao kan ley.
An tawong igwang pinakahalangkaw na bilang nin boto kaipuhan iproklamar na naelehir, alagad kun igwang dwa o mas pa an nagkaigwang patas asin an pinakadakol na mga boto, an saro sa sainda kaipuhan pilion tulos sa paagi kan mayoryang boto kan gabos na Myembro
