kan Kongreso.
An Kongreso mapromulgar nin mga reglamento kaini para sa pagbilang kan mga sertipiko. An Korte Suprema an solamenteng mahusgar en banc sa gabos na iriwal manungod sa eleksyon, mga resulta asin mga kwalipikasyon kan Presidente o Bise-Presidente, asin pwedeng magpromulgar nin mga reglamento para sa katuyuhan kaini.
Sek. 5. Antes sinda magkapot nin pwesto bilang Presidente o Bise Presidente o manungod sa Presidente kaipuhan gibuhon an minasunod na panunumpa o pagpapatotoo:
- "Ako udok sa boot na minasumpa (o mina-apirmar) na akommahimo nin matapat asin marhay na mga trabaho bilang (ngaran kan pwesto) kan Pilipinas, pagpreserbar asin pagsurog kan Konstitusyon, magpasunod kan mga ley, mata wan nin matanos na hustisya an kada tawo asin itataya ko an sakong buhay sa pagserbisyo sa nasyon. Diyos ko tabangan mo ako." (kun sa pag-apirmar, an ultimong tataramon kaipuhan haleon.)
Sek. 6. An Presidente kaipuhan igwa nin opsyal na residensya. An mga sweldo kan Presidente asin Bise-Presidente dapat itao kan ley asin kaipuhan dai inaan sa panahon kan saindang pagseserbisyo. Dai dapat na maging epektibo an anuman na dagdag sa nasambit na kompensasyon sagkod matapos an termino kan pagsirbe na sa panahon kan saiyang pagsisirbe inaprobaran an siring na dagdag. Dai sinda dapat magresibe sa panahon kan saindang pagkapot nin pwesto nin anuman na iba pang sweldong hale sa Gobyerno o sa anuman na iba pang mapagkukwaan.
Sek. 7. An elehidong Presidente asin an elehidong Bise-Presidente kaipuhan masumir kan pwesto sa pagpoon kan saindang termino. Kun an elehidong President dai pwede sa katongdan, an elehidong Bise-Presidente an kaipuhan mag-aktwar bilang Presidente sagkod na an elehidong Presidente maging kwalipikado. Kung mangyari na dai makapili nin sarong Presidente, elehidong Bise-Presidente an kaipuhan mag-aktwar bilang Presidente sagkod na makapili asin maging dapat an sarong Presidente.
Kung sa pagpoon kan panahon nin pagsirbe kan Presidente nagadan o permanenteng mabaldado an elehidong Presidente, an elehidong Bise-Presidente an dapat maging Presidente.
