An pahina na ini pigbalido
mga maestra sa relihyon o dignataryong arog kaito, apwera kun an siring na padi, pastor, ministro, o dignitaryo designado sa puwersa armada, o sa anuman na institusyong penal, o pig-aatamanan na panggobyerno o leprosaryo.
(3) Gabos na kwartang nakolekta sa anuman na bwis na itinao para sa sarong unikong katuyuhan kaipuhan trataron bilang espesyal na pondo asin ibayad para sa katuyuhan sanang ini. Kun an katuyuhan sa nanunungdan na pagtao nin unikong pondo tapos na o pinugol, an balanse, kun igwa, kaipuhan ibalyo sa mga pondong heneral kan
Gobyerno.
Sek. 30. Daing ley an ipapasar na nagdadagdag kan hurisdikyon sa pag-apelar sa Korte Suprema arog kan itinatao kan Konstitusyon na ini na dai nin abiso asin pag-oyon kaini.
Sek. 31. Daing ley na pwedeng aktwaran na nagtatao nin titulo sa pagkahade o pagkanoble.
Sek. 32. An Kongreso kaipuhan magtao, sa mas madaling panahon, nin sarong sistema nin inisyatibo asin reperendum, asin kan mga ekspresyon duman, tanganing an mga syudadano pwedeng direktong magproponer asin maggibo nin mga ley o makapagpatotoo o haboan an anuman na ley o parte kaini na pinatotoohan kan Kongreso o kan lokal na grupong lehislatibo matapos an rehistrasyon kan petisyon duman na pinirmahan kan sampolong porsyento man sana kan byong bilang kan mga rehistradong botante, na an kada distritong lehislatibo kaipuhan representado kan tolong porsyento man sana kan mga rehistradong botante kaito.
Seksyon 1. An poder ehekutibo kaipuhan itao sa Presidente kan Pilipinas.
Sek. 2. Daing tawong pwedeng elehiron na Presidente apwera kun siya tubong-aking syudadano kan Pilipinas, sarong rehistradong botante, nakakabasa asin nakakasurat, kwarenta anyos an edad sa aldaw kan eleksyon, asin sarong residente kan Pilipinas sa laog nin sampolong taon antes kan siring na eleksyon.
