dwang Camara na magkairibang nagtiripon sa sesyon, sa separadong
pagboto, igwang solong poder na magdeklara kan paglataw kan kamugtakan kan gera.
(2) Sa panahon nin gera o iba pang emerhensya kan nasyon, an Kongreso pwede, sa paagi kan ley, mag-awtorisar sa Presidente, sa limitadong panahon asin segun sa siring na mga pagbabawal na pwede kaining itao, na gumamit kan mga poder na kinakaipuhan asin tama tanganing magibo an idenaklarang prinsipyo nasyonal. Apwera kun bawion nin mas atab sa paagi nin resolusyon kan Kongreso, an siring na mga poder mawawara sa masunod na sesyon.
Sek. 24. An gabos na apropryasyon, rentas o taripa, mga ley na nagdadagdag kan utang kan publiko, mga ley na igwang epektong lokal, asin mga pribadong ley kaipuhan gumikan sana sa Camara de Representante, pero an Senado pwedeng magsuhestyon o omoyon sa mga enmyenda.
Sek. 25 (1) An Kongreso pwedeng dai magdagdag sa apropryasyon na irenekomendar kan Presidente para sa pagpapalakaw kan Gobyerno arog kan sinasambit sa badyet. An porma, napapalaman asin klase nin preparasyon kan badyet kaipuhan itao kan ley.
(2) Daing probisyon o pagsasa-ley an makakaag sa ley kan apropryasyon para sa gabos apwera kun ini manungod sa sarong partikular na apropryasyon duman. An anuman na siring na probisyon o pagsasa-ley kaipuhan limitado sa pagpapalakaw kaini sa apropryasyon na igwa nin relasyon digdi.
(3) An prosidimyento sa pag-aprobar ni apropryasyon para sa Kongreso kaipuhan sumunod nin matanos sa probsidimyento sa pag-aprobar kan mga apropryasyon para sa ibang mga departamento asin ahensya.
(4) An sarong espesyal na paagi sa ley kan apropryasyon kaipuhan itukdo an obhetong nanunungdan kaini, asin kaipuhan suportahan nin mga pondong aktwal na gagamiton na sertipikado kan Tesorero Nasyonal, o titipunon sa paagi kan nanunungod na rentas na napapalaman duman.
(5) Daing ley na ipapasar na minaawtorisar nin anuman na pagbalyo nin mga apropryasyon; siring man, an Presidente, an Presidente kan Senado, an Ispiker kan Camara de Representante, an Hepeng Mahistrado kan Korte Suprema, asin an mga pamayo kan
