na elegido kan kada Camara segun sa proporsyunadong representasyon
hale sa sistemang partidong-listahan na nererepresentaran duman.
An Tagapamayo kan Komisyon dai kaipuhan magboto, apwera sa
kasong patas. An Komisyon kaipuhan magdesisyon kan gabos na
nombramyento na isinumitir digdi sa laog nin treintang aldaw kan
sesyon kan Kongreso magpoon na isumitir ini. An Komisyon kaipuhan pumirma sa desisyon sa paagi nin mayoryang boto kan gabos na
mga Myembro.
Sek. 19. An mga Korteng Pang-eleksyon asin mga Komisyon sa Pagnombrar kaipuhan mabiyo sa laog nin treintang aldaw matapos na mapundar an Senado asin an Camara de Representante sa pagkakaelehir kan Presidente kan Senado asin kan Ispiker. An Komisyon sa Nombramyento matiripon sana kun an Kongreso igwa nin sesyon, sa pag-apod kan Tagapamayo kaini o sa mayorya kan gabos na Myembro, tanganing gibuhon an mga kapangyarihan asin katongdan na itinatao digdi.
Sek. 20. An mga rekord asin libro de kwenta kan Kongreso kaipuhan preserbaron asin bukas sa publiko segun sa ley, asin an siring na mga libro kaipuhan maawdit kan Komisyon sa Awdit na mapublikar taun-taon kan sinaru-sarong listahan nin mga kantidad na ibinayad sa asin mga ginastos kan kada Myembro.
Sek. 21. An Senado o an Camara de Representante o arin man kan saindang mga nanunungod na komite pwedeng gumibo nin pagimbestigar bilang tabang sa pagsasa-ley segun sa reglamento kan paagi. Kaipuhan respetuhon an diretso kan mga tawo na minaatubang sa o apektado kan siring na pag-iimbestigar.
Sek. 22. An mga pamayo kan departamento pwedeng sa sadiri nindang inisyatibo, sa pagtugot kan Presidente, o sa kahagadan kan arin man sa dwang Camara, arog kan kaipuhan itao kan mga reglamento kan kada Camara, pwedeng umatubang asin dangogon kan siring na Camara manungod sa anumang bagay sa saindang departamento. An mga nakasurat na kahaputan kaipuhan isumitir sa Presidente kan Senado o Ispiker kan Camara de Representante tolong aldaw antes kan pag-atubang niya. Kun kaipuhan sa seguridad kan Estado o an interes publiko asin ini ipahahayag na nakasurat kan Presidente, an pag-atubang kaipuhan gibuhon sa sarong ehekutibong sesyon.
Sek. 23 (1) An Kongreso, sa paagi nin dos-tersyong boto kan
