magmiting sa aroaldaw asin pwedeng obligaron an pagatender kan awsenteng mga Myembro sa siring na paagi, asin sa irarom kan siring na mga penalidad, na pwedeng itao kan Kamarang ito.
- (3) An kada Camara pwedeng magdeterminar kan mga reglamento kan trabaho kaini, magpadusa sa mga Myembro kaini dahelannsa maraot na ugali asin, sa pag-oyon kan dostersyo kan gabos na Myembro kaini, masuspendi o mahale kan sarong Myembro. An padusang suspensyon, kun itinao, dai kaipuhan masobra sa sisentang
aldaw.
- (4) An kada Camara kaipuhan masaray ni sarong Journal kan mga trabaho kaini, asin sa pana-panahon mapublikar kan siring, apwera sa mga parte na sa desisyon kaini pwedeng makaapekto sa seguridad nasyonal; asin sa mga "lyo" o mga "Dai" sa anuman na problema kaipuhan isurat sa Journal, sa kahagadan kan un-kinto kan mga Myembrong presente.
An kada Camara kaipuhan masaray man nin sarong Rekord kan mga ginibo kaini.
- (5) An arinman sa dwang Camara sa panahon kan sesyon kan Kongreso, dai kaipuhan magtindog na sobra sa tolong aldaw, o magbalyo sa arin man na lugar na iba sa tunay na sesyonan kan dwang Camara, na bakong oyon an dwa.
Sek. 17. An Senado asin an Camara de Representante kaipuhan magkaigwa kan sadiring Korteng Pang-Eleksyon na magiging solong hwes sa gabos na pag-ororon manungod sa eleksyon, mga pahayag sa eleksyon, asin mga kwalipikasyon kan saindang mga Myembro. An kada korteng pang-eleksyon kaipuhan kompwesto nin siyam na myembro na an tolo kaini kaipuhan na mga Mahistrado kan Korte Soprema na idedesignar kan Hepeng Mahistrado, asin an natatadang anom kaipuhan na mga Myembro kan Senado o kan Camara de Representante, arog kan dapat, na pipilion segun sa proporsyunadong representasyon hale sa mga partidong politikal asin sa mga partido o mga organisasyon na narehistro sa irarom kan sistemang partidong-listahan kaini. An halangkaw na Mahistrado sa Korteng Pang-eleksyon kaipuhan iyo an Tagapamayo (Chairman).
Sek. 18. Kaipuhan magkaigwa nin Komisyon sa Pagnombrar na kompwesto kan Presidente kan Senado, bilang ex-officio Tagapamayo, dosèng Senador, asin doseng Myembro kan Camara de Representante,
