mga Komisyon Konstitusyunal pwedeng tawan nin awtorisasyon sa paagi kan ley na dagdagan an arin man na aytem sa ley kan apropryasyon sa gagastuson kan saindang mga opisina hale sa dai nagastos sa ibang mga aytem kan saindang apropryasyon.
(6) An mga pondong diskresyonaryo na itinagama para sa partikular na mga opisyal kaipuhan na ibayad sana sa mga katuyuhan kan banwa na patotoo han kan dapat na botser asin sakop kan mga ootobon na pwedeng itao kan ley.
(7) Kun sa katapusan kan arinman na taong piskal, an Kongreso dai nakapagpasar kan proponidong ley sa apropryasyon para sa masunod na taon, an ley sa apropryasyon para sa nakalihis na taon kaipuhan isipon na napatotoohan giraray asin kaipuhan nagpadagos na ootobon asin epektibo sagkod na an ley sa apropryasyon heneral maipasar kan Kongreso.
Sek. 26 (1) An kada ley na ipinasar kan Kongreso sakop an sarong tema sana na kaipuhan na nasa titulo kaini.
(2) Daing propinidong ley na ipinasar kan arinman sa dwang Kamara an kaipuhan maging ley apwera kun ini pinatotoohan sa tolong pagbasa sa separadong aldaw, asin an mga kopyang nakaimprenta kaini sa huring porma naidistribwer na sa mga Myembro kaini tolong aldaw antes mapasar, apwera kun an Presidente magsertipikar sa pangangaipo kan pagmamadali sa pagsasa-ley kaini tanganing masimbag an sarong kalamidad o emerhensya kan banwa. Sa huring pagbasa kan sarong proponidong ley, dai kaipuhan tugutan an anuman na inmyenda digdi, asin an pagboboto manungod digdi gigibuhon tolos pakalihis kaini, asin isusurat sa Journal an mga Iyo asin "Dai"
Sek. 27 (1) An kada proponidong ley na naipasar kan Kongreso kaipuhan na ipresentar sa Presidente antes maging ley. Kaipuhan na pirmahan niya ini kun omooyon siya, kun dai, kaipuhan niyang betohan asin ibwelta na kairiba an mga protesta sa Camara na 'hinalean kaini, na kaipuhan maglaog nin mga protesta sa kabyuan na Journal kaini asin ipagpadagos an pagkonsiderar kaini. Kun, pagkalihis kan siring na rekonsiderasyon, dos-tersyo kan gabos na Myembro kan siring na Camara omoyon na magpasar kan proponidong ley, ini ipapadara, kairiba an mga protesta, sa ibong pang Camara na matao man kan siring na rekonsiderasyon, asin kun maaprobaran kan dostersyo kan gabos na mga meymbro kan Camara, ini magiging ley.
