macacaguibo caiyan; asin orog pá caiyan an guiguibohon nia,
huli ta acó padudumán sa Ama.
13 Asin an gabos nindong hagadon sa Amá sa gñaran co, guiguibohon co, ta gñaning an Amá mapamurauay sa Aqui.
14 Cun iguá camó nin hagadon na anoman sa gñaran co, guiguibohou co iyan.
15 Cun acó namomotan nindo, otobon nindo an sacong magña togon.
16 Asin acó maquiquimaherac sa Amâ, na sia tatauan camó nin ibang Para-ragña, ta gñaning magdanay sa saindo guiraray sa bilog na panahon;
17 iyo ini an Espiritu sa catotoohan na day mangyayaring acoon nin quinâban; huli ta day sia nahihiling, asin day sia namimidbid alagad camó nacacamidbid saiya; huli ta nasa saindo, asin pasasaindo.
18 Day ta camó babayaan na magña ilo; padidigdi acó sa saindo.
19 Cadiquit pang panahon, asin an quinâban day na acó mahihiling; alagad camó macacahiling sa sacô: huli ta acó buhay, camó man mabubuhay.
20 Sa aldao na idtó mamimidbid nindo na acó nasá sacong Amâ, asin camó sa sacò, asin acó sa saindo.
21 An iguá nin sacong magña togon asin ini inootob, iyo. iyan an namomoót sa saco: asin an namomoót sa sacô, mamomotan nin sacong Ama, asin mamomotan co sia, asin magpapahayag acó sa saiya.
22 Nagsabi saiya si Judas (bacong si Iscariote): Cagurangnan, anó ta sa samo ca magpapahayag, asin bacong sa quinâban?
23 Nagsimbag si Jesús asin sinabihan sia, Si-isay man na namomoót sa sacô, ootobon an sacong tataramon; asin mamomotan sia nin sacong Ama, asin cami mapasa-saiya, asin guiguibohon mi siang oóntocan.
24 An day namomoót sa sacô; day inootob an sacong magña tataramon: asin an tataramon na nadagñog nindo sa sacô bacong sacô, cundi sa Amâ na nagsogò sa sacô.
