1 Day magcatiricbahan an saindong magña pusô; nagtuturubod camó sa Dios, magturubod man camó sa sacô.
2 Sa harong nin sacong Amà balaquid an magña oontocan; cun bacò bagang siring, nagsabi cutâna acó sa saindo; huli ta mag-aandam acó sa saindo nin lugar ó mamumugtacan.
3 Asin cun acó padumán asin andaman ta camó nin lugar, padidigdi liuat acó, asin cucuaon ta camo sa sacó man saná; ta gñaning cun saen acó dudumán, dumán man camó.
4 Asin naiisihan nindo cun saen acó paduduman, asin naiisihan nindo an dalan.
5 Nagsabi saiya si Tomás, Cagurangnan, day mi naiisihan cun saen ca paduduman; ¿papanon gñani na maisihan mi an dalan?
6 Si Jesús nagsabi saiya, Acó an dalan, asin an catotoohan, asin an buhay; day. nin si-isay na nacacapadigdi sa Ama, cun bacong huli sa sacô.
7 Cun acó mamidbid nindo, mamimidbid man nindo an sacong Amâ: asin magpoón gñunian namimidbid nindo sia, asin nahiling nindo sia.
8 Nagsabi saiya si Felipe, Cagurangnan, itocdó mo sa samo an Ama, asin ini igo na sa samô.
9 Si Jesús nagsabi saiya, Haloy nang panahon na acó nasa saindo, asin day mo acó namimidbid, Felipe? an nacahiling sa sacó, pacahiling sa Ama; ¿tádao ta nagsasabi ca gñani: Itocdô mo sa samo an Ama?
10 Day camó nagtuturubod na acó nasa sa Amâ, asin an Ama nasa sacó? an magña tataramon na pinagtataram co sa saindo, day co ipinagtataram dapit sa sacó inan saná; condi an Ama, na nasa sacô, guiniguibo an saiyang magña guibo.
11 Magturubod camó sa sacó na acó nasa sa Ama, asin an Amâ nasa sacó; ó cun day, sucat na magturubod camó sa sacô dahel sa magña guibo na saná.
12 Sa catotoohan, sa catotooban, sinasabihan ta camó, An magtubod sa sacó, an magña guibo na guiniguibo co, sia man
