25 An magña bagay na ini sinabi co sa saindo, na nasa saindo pa acó.
26 Tará an Para-ragña, boót cong sabihon, an Espiritu Santo, na sia an sosogoon nin Amá sa gñaran co, sia an magtotocdô sa saindo can gabos na nagña bagay, asin magpaparomdom sa saindo can gabos na magña bagay na sinabi co sa saindo.
27 An catiuasayan iuaualat co sa saindo; an sacøng catiuasayan itataó co sa saindo; bacong siring can pagtataó can quinában, an pagtataó co sa saindo: day magcatiricbahan an saindong magña puso, ni magcataracot.
28 Nagcadaragñog nindo siring sa pagcasabi co sa saindo, Maghahalê acó, asin magbabalic liuát acó sa saindo. Cun acó namomotan nindo, magcacaorogmá camó, huli ta acó padudumán sa Amà: huli ta an Amâ halangcao sa sacô.
29 Asin gñunian sinabi co sa saindo na day pá nangyari, ta gñaning cun mangyari, magturubod camó.
30 Magpoón gñunian day na acó magtatarám nin dacol sa saindo; huli ta madatong an principe nin quinâban, asin day nin anoman sa sacô:
31 tará, gñaning mamidbid nin quinaban na acô namomoót sa Ama, asin siring sa pagcasogo sa acô nin Amâ, iyo man an guiniguibo co. Magtirindog camó, asin magharalê quitá digdi.
CAPÍTULO XV.
Magña huring pagtocdo sa magña discipulo (casumpay):
Matanos na pagcasaro ni Jesús asin an
saiyang magna tinubos.
1 Acó an tunay na poón nin uvas, asin an sacong Ama iyo an para-bâbol.
2 An gabos na sagñá sa sacô na day nagbubugña, inahalê; tará idtó gabos na nagbubugña, linilinig, ta gñaning omorog an pagbugña.
3 Camó magña malilinig-na, dahel nin si magña tataramon na pinagtarám co sa saindo.
