40 Alagad gñunian nagñaghihirigñoa camó na gadanon acó, na tauo na nagsasabi saindo nin catotoohan, na nadagñog co sa Dios ini day guinibo ni Abraham.
41 Camó nagguiguiribo can magña guibo nin saindong amâ. Nag-sarabi saiya: Cami day iquinaáqui sa pag-sarambayan; may sarà caming ama, na iyo, an Dios.
42 Sinabiban sinda ni Jesus, Cun an Dios iyo an saindong ama, mamomotan cutâ acó nindo; huli ta acó naghalê asin nagguican sa Dios: na day acó napadigdi dapit sa sacô man sana, cundi sia an nag-sogo sa sacô.
43 ¿Tádao ta day nindo na-sasabotan an sacong pagtarám? huli ta day nindo nadadagñog an sacong tataramon.
44 Camó gñani an saindong ama iyó an diablo, asin an magña minamauot nin saindong amâ boôt nindong otobon. Siá nani para-gadan qui tauo mag-poón sa capinonan, asin day nag-danay sa catotoohan, huli ta day nin catotoohan sa saiya. Con nag-tataram nin caputican, dapit sa saiya an pinagtataram, huli ta iyó an puticon, asin amâ nin magña caputican.
45 Alagad huli ta nagsasabi acó can catotoohan, camó day nag-tuturubod sa sacô.
46 ¿Si-isay sa saindo macacasudya sa saco dapit sa casâlan? Asin cun acó nag-sasabi nin catotoohan, ¿tádao ta day camó minaturubod sa sacô?
47 An nasa Dios nag-dadagñog can magña tataramon nin Dios: caya gñani day nindo dinadagñog an magña tatáramon na yan, huli ta day camó nasa Dios.
48 Nag-sirimbag gñani an magña Judio, asin nag-sarabi saiya, ¿Bacong marahay an pag-casabi mi, na icá Samaritano, asin igua ca nin demonio?
49 Nag-simbag si Jesús: Acó day nin demonio; condi nag-gagalang acú sa sacong Amâ, asin camó mahaléan acó nin halagá.
50 Acó day naghahanap can sacong camuranayan; iguang mag-hahanap caiyan asin mag-hohocom.
51 Sa catotooban, sa catotoohan sinasabihan co camó, Na an mag-otob can sacong tataramon, day mahiling sagcod noarin pa man an cagadanan.
