52 An magña Judio gñani nag-sarabi saiya, Gñunian naisihan mi na ica iguá nin sarong demonio. Si Abraham nagadán, asin an magña profeta; asin icá nag-sasabi: An mag-otob can sacong tataramon, day mananamitan sagcod noarin pa man an cagadanan.
53 ¿Orog ca pa cadaculâ sa samong amang si Abraham, na ini nagadan? asin an magña profeta nagcagaradan: icá, ¿huli sa qui-isay an pag-honâhonâ mo?
54 Si Jesús nag-simbag: Can acó mag-papamurauay sa sacó man sana, an sacong camurauayan day nin halaga: an sacong Amâ iyó an mag-papamurauay sa sacô; an isinasabi nindo na iyó an saindong Dios:
55 asin camó, day nindo sia na mimidbid: alagad acó namimidbid co sia; asin cun acó mag-sabi: Day co sia namimidbid, manini acó puticon, siring sa saindo: alagad namimidbid co sia, asin inootob co an saiyang tataramon.
56 An saindong amâ na si Abraham napano nin caogmahan sa pag-hihiling can sacong caaldauan; asin ta nahiling, asin ta naogmá.
57 Nag-sarabi saiya an magña Judio, Day ca pa nin limang polong taón, ¿asin nahiling mo si Abraham?
58 Sinabihan sinda ni Jesús, Sa catotoohan, sa catotoohan sinasabihan co camó: Na day pa namondag si Abraham, iyo na acó.
59 Cayâ gñani nagcuruá nin magña gapô ta gagapoon sia; tará nagtago si Jesús asin luminuas sa templo; asin pacaagui sa tahao ninda, naghalê siya.
1 Asin can pag-agui ni Jesús, nahiling niya an sarong lalaqui na botá mag-poón pa sa pagca-mondag.
2. Asin pinagharapot sia can saiyang magña discipulo, na nag-sarabi, Rabbi, ¿si-isay an nag-casala, ini ó an saiyang magña magurang, ta namundag na botá?
