27 Sinda day nacasayod na pinag-taraman sinda dapit sa Amâ.
28 Si Jesús gñani sinabihan sinda, Cun mapatindog na nindo an Aqui nin tauo, dagñan masasabotan nindo na iyo acó, asin ta day acong guiniguíbo na anoman na guican sa sadiri cong boot, cundi nag-tataram acó caining magña bagay, na ini, siring sa pag-catocdò sa sacó can Amâ.
29 Asin an nag-sogô sa sacó, nasa saco: day acó pinabayaan na magsarô sarò huli ta guiniguibo co guiraray an magña bagay na iquinaoogmâ nia.
30 Sa-pagtaram nia can magña bagay na ini, balaquid an nag-turubod sa saiya.
31 Sinabihan gñani ni Jesús idtong magña Judio na minatubod sa saiya: Cun mag-daranay camó sa sacong tataramon manini camong magña totoo cong discípulo;
32 asin mamimidbid nindo an catotoohan, asin an catotoohan ililigtás camó.
33 Nag-sirimbag saiya an magña iba: Capagaraquian cami ni Abraham, asin sagcod pa man day cami nag-lincod sa quiisay man: ¿Tádao ta nag-sasabi ca gñani: Camó macacaligtás?
34 Si Jesús sinimbag sinda, Sa catotoohan, sa catotoohan sinasabihan co camó, Na an gabos na nagcacasalà, oripon iyan nin casâlán.
35 Asin an oripon day nag-dadanay sa harong sagcod noarin pa man: an áqui iyo an nagdadanay sagcod noarin pa man.
36 Caya na, con an Aqui gñani iligtás camo, totoong gayo na ma-cacaligtás camó.
37 Naiisihan co na camó capagaraquian ni Abraham; alagad naghihirigñoa camó na gadanon acó nindo, huli ta an tataramon co day nagcacanigó sa saindo.
38 Acó nag tataram caidtong nahiling co sa sacong Amâ, asin camo nag-guiguibo can nahiling nindo sa saindong amâ.
39 Sinda nagsirimbag asin nagsarabi saiya: An samong amâ iyó si Abraham. Sinabihan sinda ni Jesús: Cun camó magña áqui ni Abraham, guiguibohon cutâna nindo an magña guibo ni Abraham.
