bacong huli ta nahiling nindo an magña tandâ, cundi huli ta nag-caracan camó can magña tinapay, asin nagcabarasog camó.
27 Mag-guiribo camó ta gñaning maabot nindo, bacong dahel sa cacanon na nauauarà, cundi dahel sa cacanon na nagdadanay sa buhay na day nin catapusan, na itataó sa saindo can Aqui nin tauo; tará sa saiya itinandâ can Amâ, na iyó an Dios.
28 Dagñan sinda nag-sarabi saiya, ¿Anó an guiguibohon mi, ta gñaning guibohon mi an magña guibo nin Dios?
29 Si Jesús nagsimbag asin sinabihan sinda: Ini iyo an guibo nin Dios, na magturubod camó caidtong saiyang sinogo.
30 Nag-sarabi saiya gñani, ¿Anong tanda, gñani, an guiguibohon mo, ta gñaning mahiling mi, asin mag-turubod cami saimo? ¿anong magña guibo?
31 An samong magña magurang nag-caracan can maná sa patag, siring sa násusurat: Tinapay na guican sa lagñit an pinacacan sainda.
32 Sinabihan sinda gñani ni Jesús, Sa catotoohan, sa catotoohan sinasabihan co camó, Bacong si Moisés an nag-taó saindo can tinapay sa lagñit; condi an sacong Amâ an nagtatao sa saindo can totoong tinapay na guican sa lagñit.
33 Huli ta an tinapay nin Dios iyo idtong hominilig sa lagñit, asin nag-tataó nin buhay sa quinâban.
34 Sinda gñani nag-sarabi saiya, Cagurangnan, itaó mong dayaday sa samô an tinapay na ini.
35 Sinabihan sinda ni Jesús, Acó an tinapay nin buhay: an padigdi sa cacò day magogotom, asin an minatubod sa sacô noarin pa man day mapapaha.
36 Alagad nagsabi-na acó saindo na camó minsan pa nahiling aco, day camo nagtuturubod.
37 An gabos na itinataó sacô nin Amâ, madatong sa sacó; asin an minadigdi sa sacò, noarin man day co sia isisicual.
38 Huli ta hominilig acó sa lagñit bacô sa pag-guibo can sadiri cong boót, cundí an cabôtan caidtong nag-sogo sa sacô.
39 Asin ini iyó an cabôtan can nag-sogô sa sacô, na an gabos na itinaó sa sacô day co mauarâ, cundi na buhayon liuat sia sa huring aldao.
