16 Asin can hapon-na, nagrulusad an saiyang magña discipulo sa dagat;
17 asin nag-ralaog sa saróng sacayán, binalió ninda an dagat na pasiring sa Capernaum. Asin ta madiclomon na an bangui, asin si Jesús day pa napadigdi guiraray sa sainda:
18 asin si magña alon nin dagat nag-dadaraculâ, dahel sa sarong macosog na doros na nag-hohoyop.
19 Can macasacay na gñani nin may magña duáng-polô may limang ó tolóng-polong estadio, nahiling si Jesús ninda na naglalacao sa ibabao can dagat, asin nag-haharani sa sacayan; asin nag-cataracot sinda.
20 Tará sia sinabihan sinda, Iyo acó; day camó magcataracot.
21 Nag-caorogmá gñani, na acoon sia sa sacayan; asin dominatong gñani si sacayan sa daga na padudumanan ninda.
22 Can caagahan, an magña tauo na nasa sarong ibong nin dagat, can mahiling na day dihan nin ibang sacayán na sadang cundi sarô, asin na si Jesús day lominaog sa sacayán sa cairiba nin saiyang magña discipulo, cundi na an saiyang magña discipulo iyo-iyong nagduruman;
23 (alagad nagdoroong an magña sacayán na saradang na guican sa Tiberias, harani dumán sa lugar na pinag-caracanan nin tinapay, pacapagpasalamat can Cagurangnan;)
24 Can mahiling gñani can magña tauo na si Jesús day dumán, asin siring man an saiyang magña discípulo, nagralaog man sinda sa magña sacayán na saradang, asin nagduruman sa Capernaum, sa pag-hahanap qui Jesús.
25 Asin can macuá sia sa sarong ibong nin dagat, nagsarabi saiya, Rabbi, ¿casoarin ca pá napadigdi?
26 Nag-simbag sainda si Jesús asin sinabihan, Sa catotoohan, sa catotoohan sinasabihan co camó, Hinahanap acó nindo,
* 30. Estadios,-iguang-6,720 varas.
