maalpog na mga lansangan na nasasaldangan kan tala-init sa sinasdbing trépico. Sa malipung-aw asin iyo na sanang Awit kan kanoro (104), na nangangabayo sa sarong bifalo, mindsabay sa mangilong rinagot kan mamarang rueda na dakilang gayo su eje kan magabat na lunadan; kun minsén an malagong na tanog kan mga ordn nang pababa o kangga, an lunadan na iyan sa Filipinas na luhay-luhay na ginogéyod sa alpog o mga tamaw sa dalan. Sa mga langtad, sa mahiwas na pangomahon nangadsasabsab su mga hayop, sa kaibahan kan mga mapuputi na talood na matiwasay na nagtotorogdon sa talodtod nin vaca na nagngingiya-ngiya asin nasisiraman kan doot sa kapatagan poropiyong su mata; sa haray6, ariponpon nin mga kabayo nagkikinaranding, nagrorolokso asin nagdadarala- gan, lamaglamag nin sarong lalaking kabayo na maliksi, halabaé su ikog asin mahibog su binday; hominarihi su kabayo asin nagrulupad su dagaé sa tama kan makoktisog na mga kokod kaito.
Pabayaan tang magpadagos kan saiyang paglakbay su hagbayon, na maghorophorop okun magtonka; su malipungaw okun magayagayang rawitdawit kan langtad dai nakaapod kan saiyang pangataman; an tala-init na nakapakildab kan mga dahon kan mga kahoy asin nakakapadalagan sa mga tagalangtad, na an mga bitis natototong kan mainit na dagd minsan ngani garo mansanang may mga sapin huli kan saindang lapak sa bitis itong tala-init na nakakapogol sa binibining taga nayon sa limpoy nin sarong kahoy na almendro o nin mga kawayan asin nakakapaisip saiya nin mga raparap asin dai ikasaysay na mga bagay, an tala-init na ito dai nakadagka sa satong bagong tawo.
Magbalik kita sa Manila alintanang nagligid na nagkikibadkibad an lunadan siring sa sarong burat, sa mabilaong na itong tinampo alintanang minaagi sa sarong tulay na kawayan, minatukad sa halangkaw na tukadan o minaibabang marikas sa sarong logsoton.
Dai nalibang si Ibarra; sa victoria (105), na saiyang nanabatan sakay man, nanggad si Padre Damaso asin napasiring sa harong na hinahalean niya pa sana.
