"Yaon na!” an sabi ni Sinang na kinodot si María Clara; “nakádangog ka?”
Su campana sa simbahan bominagting nin ikawalong horas asin tominirindog su gabós sa pagpangadyé; si Padre Salvi nanganam sa maluya asin tinatakigan na tingog, alágad, huli ta lambang saró may sadíring iniísip, dai nin siisay man na nakamangno kaito.
Pahangá nang matapus su pagpangadyé, kan omatubang si Ibarra. Su hagbayon may darang kamondoan bakó sanang sa gúbing kundí sagkod sa lawog, malá ngani ta pagkakita saiya, bominangon si Maria Clara asin lominalákad nin saró pasíring saiya na garo bagang máhapot kun anong saiya, alágad kan mga hidalé man-sanang ito nádangog an porokpótok nin mga badil. Ominódong si Ibarra, nagtararírik su saiyang mga mata, dai nakapagkaalo. Su cura tominagó sa likod nin sarong móog. Mga bagong potok, mga bagong porokpótok an nagkadarangog sa may convento, na sinoronod nin mga kururáhaw asin daralagan. Siribot sa Capitán Tiago, si Tía Isabel asin si Linares na nagkukururáhaw nin "tulisán, tulisán!" Kasonod ninda si Andeng na pigpapalabadlabad su asalan asin nagdadalagan pasíring sa saíyang túgang sa pagsoso (108-a).
Lominohod si Tia Isabel, nagtangis asin nangadyé kan kyrie eleyson; si Capitan Tiago, malungsi asin tinatakigan, daradara su saiyang tenedor su katoy kan manok, na idinodélot na nagtatangis sa Virgen de Antipolo; si Linares panéd su ngimot asin may kapot na sandok (109-a) ; nagkopoan si Sinang kasi Maria Clara, na dai lamang nin hirdéhiré, na garong ipinaké iyo si Crisostomo, na dai masabi su panglulungsi.
Nagpapadagos su mga kurahaw asin ribok, su mga bintana matanog na pigpipirinté, may nadadangog na siniwik, mandiitmandiit minapotok.
“!Christe eleyson! Santiago, nasosongkat su tiyaw... pirintoa an mga bintana!” nagsisiloksigok si Tia Isabel. “ILimang pdlong darakilang bomba na may kaibang duwang misa de gracia!”’ an simbag ni Capitan Tiago; “!ora pro nobis!”
Diit-diit na mindbalik an sarong mangirhat na kamoninongan ... nadangog su tingog kan alférez na nagkukurahaw asin nagdadalagan: “!Padre Cura! Padre Salvi! Tabi man!” “!Miserere! naghahagad nin pagkumpisal su alfé-
