Ginoyod kan mga soldados asin dinara sa sarong farol tanganing mamidbid sya. Si Lucas ito, alágad nangalangalang su mga soldados asin naghinapotan sa pagpahinilingan.
"!Dai nagsabi su alférez na may pinilaan!" an taramon kan visiyá sa hababang tingog. "Masaén ka?"
"Mahatod nin sa misa para sa aga."
"Dai mo nakita si Elias?"
"Dai ko pó midbid!" an simbag ni Lucas.
"Dai ko ika pighapot kun midbid mo, mangmang! dai mi man midbid; an hapot ko kun baga nakita mo."
"Dai pó."
"Himatéang marhay, isasabi ko saimo an saiyang mga tanda. Tindog kun gayod halangkaw, kun minsán kasiyahan, búhok asin mata, itom, an iba anas na kasiyahan," an sabi kan visayá. "Midbid mo na sya ngunyan?"
"!Dai, pó!" an simbag ni Lucas an natataranta. "Kun siring,! sólong! palpal! halimaw!" asin itinoldang sya kan mga ito.
"Aram mo kun ngatá ta sa alférez halangkaw si Elias asin sa cura kasiyahan?" An baga may iniisip na hapot kan tagálog sa visaya.
"Dai"
"Huli ta su alferez nakalobong sa lab-ogan kan nakita nya si Elias asin su cura tindog."
"!Totoo!" an sabi kan visayá; "may kadonongan ika...ngatá ta Guardia Civil ka?"
"Bakó akong Guardia Civil sa giráray; kaito saró akong contrabandista," an may pagabhaw na simbag kan tagalog.
"Alágad nayingying sinda nin saró pang anino: pinagquien vive? sya asin dinara sa liwanag. Ngunyan si Elias mansana an nagpakita.
"Másaen ka?"
"Pinagbobokod ko pó an saró kominolog asin nagbantá sa sakong túgang; may pinilaan sa saibong na pisngi asin Elias an ngaran.."
"Ha" an sabi kan duwa asin magkasi nanggilantas na nagpahinilingan.
Dangan nagpangdalagan pasiring sa simbahan, saen
naaaban-aban pa sanang mawará si Lucas.
