saimoha an mapádapit sa banwaan, sumaró ka sa banwaan, dai ka magbinongog sa tíngog kaiyán, magtao ka nin panalmingan sa iba, ipamidbid mo kun ano an inaapod na bansá!"
Plantilya:Indent"Dai mahihimo an hinahágad kan banwaan; kaipuhan maghalat."
Plantilya:Indent"!Maghalat, an paghalat katimbang nin pagtíos!"
Plantilya:Indent"Kun hagadon ko, ngingisihan ako."
Plantilya:Indent"Kun pangatigan ka kan banwaan?"
Plantilya:Indent"!Dai nanggad! bakong ako sagkod pa man an magkakanoró (94-a) sa katawohan sa paghágad huli sa kosog na ibinibílang na Pamahalaan, dai! Asin kun makita ko an kadaklán kan mga tawong iyán na mga barotean, maápil ako sa Pamahalaan asin lalabanan ko sinda, tara sa katawohan na iyán dai ko nakikita an sakúyang bansa. Muya ko an saíyang karahayan, kun kayá nagpatindog ako nin sarong paadalan; hinahanap ko iyán sa pamamatáhaw nin pagtotokdó, sa madaleng kauswagan; kun daing liwanag, dai nin dalan."
Plantilya:Indent"Kun daing pakikibaka, dai man nin pakahiwas!" an símbag ni Elías.
Plantilya:Indent"Huli ta habó ako kan pakahiwas na iyán!"
Plantilya:Indent"Ta an pakahiwas na daing liwanag," an buhayan na simbag kan piloto; "sabi mo kadikit an pakamidbid mo kan saímong bansa, naniniwalá ako. Dai mo nakikita an pinaghahandang pakilaban, dai mo nakikita sa pinagsokmolan kan lángit asin dagá; an pakikibaka minápoon sa likos nin mga kaisipan asin mináibabá sa langtad nin labanan na matotomtom nin dugó; nadadangog ko an tingog nin Dios, !hérak man kan mga boot somólang saiya! sa sainda dai isinúrat an Salaysay!"
Plantilya:IndentMalaen na gayo su pamandokon ni Elías: tindog, daing kaló, sa lalakinon nyang panglawog, na nasisinagán kan talá-sínag, may sarong bagay na laen sa kinaugalean. Iwinagwag su saíyang mahíbog na búhok asin nagpadagos:
Plantilya:Indent"Dai mo nakikita na marata na an kagabsan? su pangatorogan nagdánay nin ginatós na mga taón, alágad sarong aldaw may nahólog na kikilat, asin su kikilat kan makarátak, inapod su búhay; magpoón kaito nagkaigwa nin mga bagong kaaplingan su mga espíritu, asin an mga bagong ining kaaplingan, na ngunyan bo-
