kuta kun dai ominabot su alférez.
“Pero! señoras... Don Tiburcio!”
“Adaleng marhay an saimong agom, ibakal mo nin marayrahay na gubing asin kun dai kang kuwarta, hab-oni an mga tawo, kaya ngani igwa kang mga soldados!” an kurahaw ni Doña Victorina.
“Anion ako, señora! ano ta dai rinoromos kan Saimong Kahalangkawan an sakiyang ngoso? Dai kang iba kundi dilé asin liwoy, Doña. Excelencia!”
“Señora!”’ an sabi kan alférez sa maktring kaangotan; “magpasalamat ka na nakagiromdom pa ako na saré kang babaye, ta kun dai pinapotokpotok ta ka sa sipa sagkod pati kan gabos mong mga korikirikot asin mga sorosintas!”’
“Gi... ginoong alférez
“Lakaw, matasanos! dai ka nin sarwal, Juan Lanas!”
An hamo kan saro mga kataga asin mga kinoratnorat, su saro mga kinorahaw, mga paglanghad asin mga raway, ibinuruyagyag su gabos na mga maating saindang pinagtatago sa saindang mga kaban, asin huli ngani ta apat su nagsasarabay sa pagtaram asin kadakul na mga bagaybagay an saindang mga pigparasarabi, na nakakahalé nin dangog sa siring na mga pangkat nin katawohan, na dakol na mga katunayan an saindang ipinamarantadg, dai niyamo isustrat digdi su mga pinagparasabi. Su mga osiyoso, minsan ngani dai nagpakasabot kan gabés na mga pigparasarabi, bakong didiit su saindang kaalingan asin naghahalat sinda na magkabarakbakan.
Sa karaotan nin palad, ominabot su cura asin sinagdonan sinda,
“Señoras, señoras! kasopogsopog! Señora alférez!”
“Ano ta minatapsok ka digdi, hipocrita, carliston?”’
“Don Tiburcio, daraha an saimong agom! Sefiora, pogola an saimong dila!”
“Sabiha iyan sa mga mahabon, sa mga daing sukat!”’
Sa diitdiit naobos su mga pagngaran.sa kataga-tipon (69-a), natapus su pagbuyagyag kan mga kasopganan kan lambang pangkat, asin pakapagpahumarean asin pakapaglinanghadan, sa diitdiit nagsurusurthay. Paduman, padigdi si Fray Salvi na nagtataong kadagkahan sa hilingon na ito! Mala pa sana kun uya su samong katood, su Corresponsal...!
“Ngunyan mansana mapa Manila kita asin maatu-
