ipinahayag nya saiya.
“!Aki, muya mo na dakpon ako?” an nanggigilantas na saiyang hapot.
“!Hare ka pagminangmang asin pabayae akong maghisay kaiyan!” an saiyang simbag, “dai ka magbobolong sa kiisay man, alagad boot kong apodon kang doctor asin ako doctora, ha!”
Asin kan sominonod na aldaw rn ki Rodoreda na ibogat sa itom na marmol: “DR. DE ESPADAÑA ESPECIALISTA SA GABOS NA MGA HELANG,”
Itatao sainda kan gabos na sorogon an mga bagong titulo, asin bunga kaini nagdigang su kabilangan kan mga flequillo, su kapal kan ginalpong na bagas, su mga cintas asin su mga encaje, asin hiniriling sa orog na gayong koangisan su saiyang mga dukha asin mga kulapos nin palad na mga babaye, na su mga agom mga harababang categoria ki kan sa saiya. Lambang aldaw nagmamateng nagoorog an saiyang karapatan asin an saiyang kahalangkawan, asin kun sosogon an siring na dalan, pagkaayaw nin sangtaon magloloba na diosnon an saiyang gikan.
Alagad an mga halangkaw na ining kaisipan dai naging kaolangan na sa lambang aldaw magi syang orog kagurang asin orog kamakangingisi. Sa lambang pagkakasompongi saiya ni Capitan Tiago asin kun nakakagiromdom na basang sana su pagpahayag nya kaini nin pagkamoot, dagos minapahatod nin pisos sa simbahan sa sarong misa nin pagpasalamat. Minsan siring iginagalang na marhay ni Capitan Tiago su agom na lalaki huli kan titulo na especialista sa gabos na mga hélang, asin pinangangataman na marhay an kadikit na mga kataga nin tataramon na sa saiyang pagkaramoramo nahihimo nyang mahilwas. Sa siring na bagay asin huli ta an doctor na iniho dai naggigiaw sa gabos siring kan ibang mga parabo canlong, pinili ni Capitan Tiago na magbolong kan saiyang aki.
Kun mapadapit sa hagbayon na si Linares, iba nang bagay. Kan naggagayak na maglakbay sa Europa, isinasaisip ni Doña Victorina an sarong administrador na peninsular ta dai nin paniwala sa mga filipino: nakagiromdom su lalaki (42-a) nin sarong makoama sa Madrid na nagaddal nin pagkaabogado asin ta ibinibilang na iyo an minakamatalé sa familia: sinuratan, kun si-
