ban sa Filipinas asin sa España, napapalaén sa mga
chulos na pinagbanga iyan sa España asin América o
China sa ibang pagngaran.
Nakakaaram su agom na lalaki na an iba kan mga bagay na ini mga karongawan, alagad dai na sana minakaalo tanganing dai sya pagkurahawan asin dai saiya itorisok an saiyang pagkaramoramo. Nagkorokapritsohan tanganing magdugang an pagloba na sya nagdadangadang sa pagkaina asin nagsolot nin mga kurayan (40-a), pinano nin mga burak asin mga cintas su saiyang sadiri asin naglakawlakaw na nakabata sa Escolta, alagad !pakaagamiaw kan katotoohan! tolong bulan an nakalihis asin pominurawas su pangatorogan, asin mantang dai nang dahelan na su aki dai apodon na tagapaghimagsik, dai na dominagos na maglakbay. Nakihumapot sa mga parabolong, sa mga partira, sa mga gurang na babaye asin iba pa, alagad. sAyang; sya, nasa dakilang kamondoan ni Capitan Tiago, pinagtuya-tuya si San Pascual Baildon, dai boot makitumabang sa arin man na santo o santa; huli kaini sinabihan sya nin sarong katood kan saiyang agom:
“Maniwala ka sako, señora, na ika sana an espiritung marigon digdi sa pinagbabarodan na ining kaporoan!”
Hominoyom sya na daing pakasanot kun ano an espiritung marigon, asin pagkabanggi, sa horas nin pagkatorog, ihinapot sa saiyang agom:
“Aki,” an simbag kaini, “an e... espiritung orog karigon na sakong midbid iyo an amoniaco: sa re... retorica gayod su pagkasabi kan sakong katood.”
Magpoon kaito kun nakakapagtaram sya minasabi:
“Ako sana an amoniaco sa binabarodan-na ining kaporoan, sa pagtaram sa retorica, siring sa sabi ni Gg. N. de N., sarong peninsular (41-a) na kanigtan an.categoria.” ;
Ano man na sinasabi nya kanigian an saiyang gibohon; napasékong bulanos su saiyang agom, na dai nanihay na gayo, na garo nang ayam na faldero, kun mapadapit saiya. Kun nababaldi.sya, dai nya tinotogotan na maglakawlakaw, asin kun nagkakainit syang talaga, tinatangkasan kan mga ngipon asin pinababayaan nyang makangingirhat sa laog nin saro o nagkapirang aldaw. .
Naisipan nya na kaipuhan maging doctor sa Medicina asin sa Cirugia su saiyang agom asin an bagay na ini
