Alagád may nabilog nang sarong pangkat. Naaraman ni Don Filipo su humá kan mga ito asin nagdalagan sa pagsagpong sainda.
“!Hare nindo paglaglaga an kamoninongan!” an saíyang kuráhaw; ‘“noodmá mahagad ako nin paliwánag;gigibohon sató an matanos; ako an maninimbagan saindo na gigibohon sató an matanos!”
“!Dai!” an simbag nin nagkapira; “síring man an ginibo sa Calamba (24-a), ipinanugá an síring na bágay; alágad daing anó man na ginibo su Alcalde! Muya kami nin Justicia sa samong sadíring kamot! Sa cuartel!"'
Sáyang lámang kan mga pagtaram sainda kan teniente mayor; su pangkat nagpadagos man giráray sa dati nindang talad. Nangalagkálag si Don Filipo sa saíyang palíbot sa paghánap nin agap asin nakita si Ibarra.
“!Ginóong Ibarra, tabí man! sagponga an mga iyán applintanang naghahánap ako nin mga cuadrillero!”
“!Anong magiginibo ko?” an hapot kan hagbayon na nariribaraw, alágad harayó na su teniente mayor.
Nangalagkálag man si Ibarra, na may pighahánap na dai nya áram kun siisay. Sa marhay na kapaladan,sa akalá nya saíyang nakita si Elías na naghihiling dai lámang nin pangirogkirog kan hiró. Nagdalagan saiya si Ibarra, kinapotan sa takyag asin sinabihan sa kastilá.
“!Huli sa Dios! gumibo ka nin anó man, kun saimong mahihimo; dai akong magiginíbong anó man!”
Nasabotan gayod sya kan piloto, tara nawará sa táhaw kan pangkat.
May nagkadárangog na mga pasurúhay, mga panaleng hagayhay; dangan sa luhaylúhay nagpoón nin pagpurawás lambang saró nasa kamugtakan na bakó nang gáyong tilalabán.
Panahon na, tarla su mga soldados, mga hamohan, nagruluwas nagkakatorótok su mga bayoneta.
Sa mga hidaleng ini anong ginigibo kan cura?
Dai hominigdá si Padre Salvi. Nagtitindog, nahohongkó su ángog sa persiana, nagtatanaw sa plaza,nagtataga-paluwas nin sarong ginogotos na hagayhay. Kun bakong madiklom su í law kan saiyang lámpara,
